طفله الفهد بقلم دعاء حجاج
وقالت باعلى صوت والله مظلومه ومش عارفه ازاى حصل كده
بقلمى دعآآء حجآآج
بعد مرور ربع ساعه تقريبا وخصوصا في شركه الكيلانى
نور الدين المنصوري
وصل الشركه وكان متعصب جداا والكل لاحظ غضبه
فهد بصوت جهوري من النهارده الوضع اتغير اللى هيتاخر ثانيه واحده مطرود فورا
الكل بصوا لبعض وكانوا في حاله صډمه كيف نصف ساعه تغيروا كده
_وانتى الملفات كلها تترجم
قامت وقالت برهبه ازاى يا بيه دول كتير اوى اقل حاجه يومين عشان اترجمهم
فهد بصوت كفحيح الافعي انا قولت اي معاكى نص ساعه بس والملفات تكون على مكتبي
_بس
فهد بص في الساعه وقال الساعه دلوقتى ١٣٠ على الساعه ٢ الملفات تكون عندي والا اعتقد فهمتى
بصت لتحت وهزت راسها وقالت حاضر يا بيه
دخل ورزع الباب وراء والكل انخض وقال أحدهم اعتقد فهد بيه رجع زي زمااان وأسوأ كمان
_ما كان حلو من شويه اي اللى حصل
_معرش اشتغلوا والا هنكون برااا
كان قاعد وحاطط ايدو على دماغه ليدخل حسام وقال اي الكلام اللى بينقال برا ده
فهد بص لي وقال حسام اطلع برااا
حسام شد الكرسي وقال اطلع ازاى يا جدع الموظفين في ړعب براا وبيقولوا أن فهد بتاع زمان رجع
فهد بص لتحت وقال بحزن لازم تتعودوا على كده من النهارده
حسام قرب من فهد وقال انا مش صاحبك
_حسام عشان خاطري اطلع برااا
_مش هطلع الا لما اعرف اي اللى حصل مش معقول تتغير في نصف ساعه
فهد قام وقال حسام اطلع برا مش هقولها تانى
حسام قام وخد نفس عميق وقال هطلع يا فهد بس أوعك تفكر انى هسيبك
فهد___________
حسام بص لتحت وفتح الباب وطلع فعلاااا
فهد بحزن النهارده الثقه انهزت خالص يا زينه خصوصا كدبك علياا
الدموع نزلت من عين فهد وقال انا مكنتش هصدق اللى شافتوا في الفندق بس المحادثات ورايحه المول وراكبه مع عمو جاسر خليتك تنزلى من نظري
رجعت القصر وكانت شبه مېته
_زينه كنتى فين
زينه طلعت من غير ما ترد على زينب
زينب الاستغراب يا تري في اي
زينه طلعت اوضتها وقفلت الباب ووقعت على الأرض وفي ثانيه الدموع نزلت من عينها
_زينه زينه انتى بخير يا بنتى
زينه مسحت دموعها وقالت انا بخير يا ماما مټخافيش عليا
زينب بشك متاكده
_اه يا ماما شويه صداع مش اكتر هنام وان شاء الله هيخف
_انتى مفطرتيش اكيدا ده اللى عملك صداع
_لا يا ماما انا مش جعانه
زينب باستسلام طيب
نزلت تحت ولقت سمر في وشها جرت عليها عالطول وقالت سمر
سمر مسكت ايد زينب وقالت في اي يا ماما
_حاسه أن زينه مخبيه حاجه
سمر ضمت حواجبها وقالت مخبيه حاجه
زينب هزت راسها وقالت روحى اتكلمى معاها يا بنتى ممكن تسمع منك وتقولك اي اللى حصل
سمر هزت راسها وقالت حاضر
_استنى هجبلك فطارها خدي معاكى بالمره
_ماشي
بعد شويه سمر طلعت لزينه اللى كانت قافله الباب
_زينه زينه
زينه بفرحه سمر
زينه قامت من على الأرض وفتحت الباب وقالت سمر
سمر دخلت وحطت الاكل على السرير وقالت ماما قلقانه عليكى اوى
زينه بصت لتحت وقالت مفيش كلوا تمام
سمر بصت لزينه بشك وقالت مش واضح كده ليه قدامى
زينه بارتباك مش فاهمه
_اقصد أن في حاجه حصلت وانتى مخبيه
زينه قعدت على السرير وقالت مفيش حاجه حصلت صدقيني
سمر قعدت جنب زينه وقالت انا عارفه انك عناديه اوى ومهما حصل مش هتقولى حاجه بس انا اعند منك ومش همشي ولا هتحرك لما اعرف اي اللى حصل
_صدقينى يا سمر مفيش حاجه
سمر مسكت ايد زينه وقالت اتخانقتي مع فهد
زينه هزت راسها والابتسامه اترسمت على وجهها وقالت اطمنى مفيش حاجه
_اممم طيب ماما قالت انك مفطرتيش
_مش جعانه
سمر مسكت المعلقه وقالت مش بكيفك افتحى بوقك يلااا
زينه ابتسمت وسمر كانت متاكده أن في حاجه زينه مش عايزه تقولها
بعد شويه
_كفايه
سمر خدت الاكل وقالت اقدر اسيبك كده بس هرجعلك تانى عارفه ليه عشان اعرف اي اللى مخبيه حضرتك
زينه بلعت ريقها وقالت انا قولتلك مفيش حاجه ليه مصممه أن في حاجه حصلت
_اصلاا عارفه صديقتى واختى زينه واحنا اطفال
_بس المره ده غلطانه مفيش حاجه
_امممم طب انا نازله
زينه هزت راسها وسمر طلعت وقالت بشك مليون في المية في حاجه زينه مخبيها
قعدت على السرير وكل ما تتذكر اللى عملوا حمزه يزداد كرها اتجاه اكتر واكتر
بقلمى دعآآء حجآآج
في مكان ما
كانوا قاعدين فرحانين أن زينه وفهد انتهوا
_بس حقيقي شابو يا جمال
جمال مسك الكاسه وقال قولتلك الخطه هتنجح مصدقتيش
_نجحت بشويه تفصيل يا جمال زي المحادثه
_والمحادثه ده من تخطيطى بردو
كان واقف على جنب وكان بيتخيل نظرات زينه المحتقره لياا
شيري غمزت لجمال وقالت بهمس مالو العاشق ندمان ولا اي
جمال قام وراح عند حمزه وقال مش عايز تحتفل معانا ولا اي
حمزه مسك الكاسه من جمال ورمها على الأرض لتنكسر عالطول
شيري قامت وقالت بعصبية اي اللى عملتوا ده
جمال رفع ايدو في وش شيري بمعنى اسكتى خالص
شيري اتعصبت اوى وجمال حط ايدو على كتف حمزه وقال مالك زعلان كده ليه أوعك تقولى انك ندمان
حمزه بص لجمال وقال مش عارف ازاى عملت كده ازاى
