ابن ليل بقلم اميره اسامه

كانت بتحبه زي ما بتحب عبدالله وبكر كلنا اتربينا سوا بس هو يمكن فكر عشان من زمان جدك والمعلم رفاعي كاتبينهم علي اسم بعض ودره عمرها ما اعترضت ولا اتكلمت في الموضوع ده فكرها موافقه وبتحبه بس سكوتها كان لسه عدم فهم منها كان لسه قلبها محبش بجد ولما حبت بدأت وقتها تحارب عشان متكملش وانا كنت شاهده على كل ده
اتحايلت على ستك وابوك وجدك كتير كانوا رافضين وشايفنها لسه عيله متعرفش مصلحتها وبيني وبينك كرم مكانش يتعيب واكيد اي اهل مكانهم مستحيل يضحوا بعريس زيه لبنتهم
وقتها بقي ستك كانت كابسه على انفاسها وابوك فضل رايح جاي معاها في كل حته بس يوسف كان صابر ومتحمل لحد ما في يوم جه

لجدك تحت اتكلم معاه كتير وقتها جدك حس انه فعلا كويس و بيحبها وعايز يجبلها حته من السماء كان ابن ناس واهله مبسوطين بردوا والاهم ان دره بتحبه
فا جدك قرر وقتها وهو مغلوب على امره انه يوافق خاف لا دره من كتر ما هي بتحاول والكل واقف قصادها انها تتجوزه من غير علمهم وتوطي راسه في الارض قال تتجوز بمعرفتنا بدل ما تهرب وسيرتها وسيرتنا تبقي على كل لسان يوسف وقتها كان مستعجل عشان كان حابب يكمل دراسه بره وقال ان دره كمان هتاخد الدكتوراه من هناك وفرصتها هتبقي افضل 
حسن طيب ولما يوسف جوزها ده كان كويس اوي كده ايه اللي شقلب كيانه
دعاء منعرفش سبحان مغير القلوب يمكن البت اللي كانت معاهم دي لعبت بدماغه الله اعلم ايه اللي حصل بس طول السنين اللي فاتت عمتك فعلا كانت مبسوطه معاه الله يسامحه بقي وينتقم من اللي خربت بيتهم
حسن بيتهيألي لو كرم عرف انها مكانتش بتحبه ممكن يروح فيها
دعاء مش هتفرق كتير يا حسن اللي عاشوا كرم طول السنين دي كان كله ۏجع اهو على الاقل يعرف انها مكانتش قاصده لا تبيعه  ويعرف ان عبدالله كان مغلوب على امره
حسن بس عارفه ياما دره بردوا غلطت في حاجه واحده بس بيتهيألي لو كانت عملتها كان كل ده خلص من زمان
دعاء ايه هي
حسن المفروض كانت ركنت كل دول على جنب وراحت لكرم وقالتها في وشه واكيد هو مكانش هيفضل معاها وهي مش عيزاه
دعاء دره كانت
بتحترم كرم وبتعزه وخاڤت تجرحه كانت فاكره انه مش بيحبها بس كانت عارفه انه حتي لو مش بيحبها هتجرحه انها يعني مش عيزاه وفي النهايه يا ولا عقلها زمان بردوا مكانش زي النهارده كانت صغيره
حسن عموما يا أما اللي حصل حصل خلاص مفيش حاجه بترجع
دعاء على رأيك واكيد الايام قادره تهدي الدنيا بينهم وبين العيليتين
حسن يارب 
في صباح يوم جديد صحيت دره والبنات فطروا ولبسوا كانت بتحاول تكون طبيعيه عشان محدش فيهم يسألها على اي حاجه بعد وقت بسيط نزلوا من الشقه كانوا رايحين يشوفوا موضوع تقديم ورق الجامعه
في الوقت ده دره كانت بتفتح باب الشقه عند نبيله عشان تحضر الفطار 
دعاء صباح الخير ايه على فين
دره صباح النور ابدا كنت رايحه انا والبنات نخلص ورق جامعتهم
دعاء طيب مقولتيش ليه استني اتصل بحسن ينزل بسرعه ويوصلكم
دره لا لا مفيش لزوم وبعدين احنا متأخرين 
دعاء يابنتي متقاوحيش انتي هتعرفي تروحي ولا تيجي على الاقل عشان يبقي معاكي عربيه
دره مفيش داعي والله هناخد تاكسي
ظهر من الداخل زكريا وبصلها
دره صباح الخير 
زكريا صباح النور على فين
دره هروح اخلص ورق الجامعه بتاع البنات
زكريا وتاكس ايه اللي هتاخديه عندنا بدل العربيه اربعه
دره مفيش داعي يا بابا انا متأخره وعادي يعني اصلا هتنقل كذا مكان فا مش محتاجه عربيه
زكريا تتنقلي يبقى لازم عربيه ادخلي ثواني اكلم السواق يجهز العربيه
هزت دره راسها بطاعه ودخلت هي والبنات مع دعاء
خرجت نبيله من المطبخ لاقتهم في وشها للحظه قلبها اتقبض وفكرتها ماشيه بصتلها وسكتت
دره صباح الخير
نبيله صباح الخير
دعاء دره رايحه يا بلبله تقدم لبناتها في الجامعه وابويا بيتصل بالسواق عشان يوصلهم
هزت نبيله راسها من غير ولا كلمه
وقفوا البنات جنب بعض بيبصوا بقلق
دعاء تعالوا يا بنات اقعدوا
دارين بأبتسامه عشان منتأخرش بس يا طنط 
نبيله خلاص الامتحانات واقفه على الباب
دارين لا يا تيته بس عشان نلحق نقدم الورق
نبيله ايه تيته دي يابت
دارين ااا اقصد يعني
دعاء بأبتسامه جميله قوليلها يا بلبله ستك مبتحبش حد يكبرها 
دارين ماشي يا بلبله ولا تزعلي نفسك
بصتلها نبيله وابتسمت ابتسامه بسيطه لكن من جوه قلبها كان طاير من السعاده 
نبيله عشان محدش يحس بيها وانتي يا اختي يلا حضري الفطااار
دعاء عيني يا بلبله
ابتسمت دره وبصت للارض
زكريا السواق مستني تحت هيوصلكم لفين ما تحبوا خلصي كل مشاويرك وهو هيفضل ملازمك مفهوم
دره حاضر يا بابا 
نزل قدامها البنات وقبل ما تخرج
زكريا دره امسكي دول
بصت دره علي الظرف اللي في ايده وبعدين بصتله
دره ايه دول
زكريا ده مبلغ خليه معاكي يمكن تحتاجيه 
دره بإرتباك ااا لا لا شكرا انا معايا الحمد لله ووو
زكريا مبنحبوش نعيدوا كلامنا دول مش عشانك دول عشان مصاريف بناتك
دره مصاريفهم موجوده والله اطمن
زكريا بردوا هتاخديهم
دره بقله حيله مدت ايدها وخدت الظرف وبعدين بصتله ايوه بس ده كتير 
اوي
زكريا مش كتير ولا حاجه مصاريف الجامعه غاليه خليهم معاكي يلا السواق مستنيكي
ابتسمت دره بهدوء وهزت راسها
دره شكرا يا بابا
هز زكريا راسه
من غير ولا كلمه خرجت دره وقفلت وراها الباب ونزلت
بص زكريا لنبيله لقاها مبتسمه بهدوء 
ابتسم زكريا وراح على السفره 
نزلت دره البنات كانوا واقفين في مدخل البيت خرجوا مع بعض السواق كان واقف منتظرهم الدنيا كانت لسه هاديه ويادوب المحلات لسه هتبدأ تفتح كرم وبكر مكانوش لسه نزلوا ومحلاتهم كانت لسه مقفوله
ارتاحت شويه دره على الاقل عشان ميلمحهاش بعد اللي حصل ركبت على طول بعد ما ركبوا البنات واتحرك السواق
ومخدتش بالها من اللي واقف في البلكونه بياخد نفس من سيجارته 
مرت الساعات بسرعه وقدرت دره تسجل اسامي ولادها في الجامعه بعد ما قدمت الورق ودفعت كل المطلوب منها وجابتلهم مواعيد المحاضرات وكل حاجه 
على العصر رجعت في الطريق مع السواق هي والبنات لمحت دره البحر ابتسمت زي الاطفال وطلبت من السواق يوقف وبعدين قالتله يرجع هو وهي هتيجي وراه
بصلها السواق بقله حيله من غير ما ينطق
السواق بس المعلم يعني قالي مرجعش غير معاكم
دره متقلقش انا هنا اعرف اروح لوحدي وبعدين البيت مش بعيد شويه وهنكون وراك
هز السواق راسه وبعدين اتحرك وبسرعه طلع الموبايل كلم زكريا 
زكريا ايوه
السواق يا معلم قولتلي افضل مع الست دره وبناتها عشان محدش يتعرضلهم بس ست دره طلبت مني ننزلها عند البحر وقالتلي هنرجعوا وراك وانا معرفتش نقولها حاجه
زكريا رفع عينه وبص على كرم كان واقف يشتغل خلاص ارجع انت وهي الوقت ترجع
السواق تمام يا معلم مع السلامه
قفل زكريا وفضل باصص على كرم كان موصي السواق يفضل معاها كان قلقان كرم يعمل فيها حاجه ولما شافه واقف اطمن 
البنات كانوا مبسوطين بالبحر وفضلوا يتمشوا مع دره على الكورنيش
دارين مكنتش اعرف ان اسكندريه حلوه اوي كده
دره اسكندريه طول عمرها جميله
دانه مامي هو ينفع ننزل البحر عادي
دره اكيد ينفع بس الوقت الجو برد والموج عالي مش هينفع ان شاء الله في الصيف هجيبكم
ديما ان شاء الله
فضلواث يتمشوا وبعدين وصلوا على اول الشارع بتاعهم و فجأااااه
وللحديث بقيه 
ابن ليل
صاحبة البطل الواحد
أميره اسامه
البارت العاشر 
وقفت دره فجأه على اول الشارع اول ما لمحت سونه 
دره ااااه هو انتي كمان ظهرتي
احيييييييه كنا زمان نقولوا ان اللي راح مبيرجعش تاني طلعت الكلمه دي مش صح واللي راح بيرجع عادي
دره بإبتسامه هاديه طب أرمي السلام الاول ياسونه
سمعت دره صوت من وراها اول ما سمعته حست ان قلبها اتقبض وبسرعه حست ان اطراف ايدها بتترعش
مها طول عمر السلام لأهل السلام يا بنت الجمال
بصوا بناتها بسرعه على الصوت اللي جاي من وراهم وفضلت دره واقفه باصه على سونه 
قربت مها ووقفت جنب سونه وبصت لدره وفضلت دره باصه بعيد مش قادره تبصلها
مها ولا ايه يا سونه
سونه عداكي العيب يابنت الاصول
دانه مامي مين دول 
مها ايه مش هتعرفي بناتك علينا يا بنت الجمال ولا ملكيش عين
دانه انتي بتتكلمي كده ليه مع مامي وانتي يا مامي ساكتالها ليه 
سونه بضحكه عاليه مامي احيه حلوه مامي دي بردوا
دارين مامي حضرتك كويسه
دره بهدوء ومحاوله كبيره منها لضبط نفسها انا بخير يا بنات رفعت دره عينها في مها ازيك يا مها
مها مفيش زيي يا بنت الجمال ايه مش ناويه تعرفي بناتك علينا
دره دي طنط مها يابنات
مها وبس كده ايه مش قادره تقولي ابقى مين ولا كنت مين
سونه احمدي ربك يا مها انها افتكرت اسمك اصل امكم دي من يومها بتنسى كل حاجه
دره بهدوء جارتنا يا بنات صحاب طول عمرنا وووو
مها لا لحظه يا بنات اصل امكم على رأي سونه بتنسى هي تقصد كنااااا كنا صحاب
دره طيب انا هستأذن ومبسوطه اني شوفتكم
سونه صحيح يا دره انتي ناويه تقعدي هنا قد ايه
دره بصوت هامس لنفسها اللهم طولك يا روح بصتلها وابتسمت لا قاعده ارتاحي يا سونه قاعده ومش ماشيه 
مها ميتهيأليش هتطولي يا دره
بصتلها دره ليه في حاجه ممكن تخليني امشي
قربت مها من جنب ودنها وهمست بهدوء وهي بتتك على كل حرف
مها قصدك تقولي حجاااات مش حاجه واحده وانصحك متفرحيش اوي بقعدتك هنا ولا تتعودي عليها لانها مش هتطول ماشي يا بنت الجمال
دره يلا يا بنات بعد اذنكم
خدت دره البنات وبعدت عنهم بسرعه
ديما مامي عايزين ايه دول وليه كده شكلهم مش مريح
دارين مين دول يا مامي
دره خلاص بقى كفايه تحقيق قولتلكم كانوا جيراني و أصحابي مها كمان متجوزه بكر اخو دعاء وتبقى اخت كرم اللي شوفتوا امبارح
دانه اااااه هي العيله كلها شكلها كده 
دره خلصي انتي وهي تعالوا ندخل نجيب حجات من السوبر ماركت
دارين يلا 
دره من فضلك عايزه باكت المايه ده وعايزه اربع علب لبن وعايزه كرتونه بيض
بص صاحب السوبر ماركت للشاب اللي واقف يبيع وهز راسه
شمال ويمين
الشاب لا معنديش
دره بإبتسامه استغراب معندكش ايه ما كل حاجه موجوده اهيه
بص الشاب بطرف عينه لصاحب السوبر ماركت لقاه حاطت ايده على وشه
الشاب لا معلش اقصد يا هانم متباعين 
دره ايه اللي متباعين 
الشاب الطلبات اللي طلبتيها
دره ايوه بس في منهم كتير
الشاب كله متباع للاسف 
بصت دره للبنات ورفعت كتفها باستغراب 
دره طيب شكرا
الشاب العفو
خرجت دره من المحل هي والبنات
دره تعالوا المحل ده بيبيع بيض تعالوا نجيب منه البيض
قربت دره من راجل كبير صاحب المحل
دره سلام عليكم يا حاج
البياع عليكم السلام
دره من فضلك عايزه كرتونه بيض كام سعرها 
البياع ااا لا متباعين
بصتله دره وسكتت ثواني 
دره ايه اللي متباع مش فاهمه
البياع البيض متباع
دره يعني عايز تقنعني ان البيض ده كله متباع
البياع قولي ماشاء الله 
دره ماشاء الله طبعا ربنا يرزقك بس انا كل اللي طلباه كرتونه
البياع وانا قولتلك متباعين وواخد حسابهم والوقت صاحبهم يجي يشيلهم
دره بتنهيده اوك بالتوفيق
دانه مامي مش ده كمان سوبر ماركت
دره ايوه تعالوا نروح نجيب منه والفرن اللي هناك ده ريحة الخبيز مع الجو ده طالعه ريحته تجنن نجيب منها شويه حجات
ديما المحلات هنا حلوه اوي يا مامي يعني
غير امريكا
دره اكيد هنا في روح تانيه خالص يلا تعالوا مساء الخير يا حاج معلش محتاجه اربع علب لبن و باكيت مايه معدنيه ولو بيض كمان اديني كرتونه
البياع معلش معاد الغداء بتاعي ولازم اقفل يلا