ابن ليل بقلم اميره اسامه

انا بقضي وقت في المذاكره اكتر ما بقضيه في النوم والاكل اسال مامي انا مش برتاح لحظه
هيما انتي كده يعني بتطمنيني ما اللي انتي بتعمليه ده مش صح
دره قولتلها بس هي مش بتسمع الكلام لا بتاكل ولا بتشرب زي الناس واديك شايف منظرها في اسبوعين عملت ازاي حتي الشاور تاخده بسرعه وتخرج تربط شعرها مش فاضيه تسرحه بدخل غليها اتحايل عليها تنام عينها بتقفل ومش راضيه تسيب الكتاب نعمل ايه تاني تعبت بجد 
هيما انتي فاكره يعني لما تفضلي حاطه وشك في الكتاب من غير نوم ولا راحه هتبقي شايفه انتي بتذاكري ايه اصلا
دارين طب قولي اعمل ايه وانا هعمله بس اعمل حاجه تخليني اعرف اركز ومنساش اللي بذاكره

هيما هتدخلي الوقت تاكلي وتاخدي شاور وتصلي وعالسرير عدل لا تظبطي منبه ولا تقولي لحد يصحيكي عشان تصحي الصبح فايقه وتعرفي تركزي تهتمي بأكلك الفتره الجايه عشان مذاكره من غير اكل يعني زيرو تركيز ولما تصحي الصبح هي ماده واحده اللي تتحط قدامك بلاش زحمه الكتب الكتير 
دره شوفتي مش قولتلك الكتب اللي رصاها قدامك كفيله تحبطك وتحسسك انك مش هتخلصي اي حاجه ولا هتلحقي
هيما تخلصي الماده وتقومي تعملي اي حاجه ولو حسيتي انك فصلتي وقادره تكملي خدي ماده غيرها مش قادره نامي شويه وافصلي تاني مش عايزه تنامي اتفرجي علي اي حاجه بتحبيها
وتاكلي سامعه تاااااكلي كلامي مش هنكرره تاني يا دارين وهنسأل دره مش هنسألك انتي خالص اتفقنا 
هزت دارين راسها وهي بتمسح في دموعها
هيما اتفقنااااا
دارين حاضر يا هيما 
ابتسم هيما بحب وبصلها بنقولك ايه ادخلي حطي الشيكولاته دي كلها عالسرير ونامي وسطهم وانسي المذاكره الوقت خالص
ضحكت دارين من بين دموعها
دره رفعت حاجبها لهيما وهي بتضحك اه ونصحي نلاقي النمل شايلها وبيلف بيها في الشقه
هيما بضحك يلا اهو عالاقل يفسحوها ويخلوها تتحرك شويه
دارين اتريقوا عليا اخلص بس امتحانات وهاخد حقي منكم
هيما خلصي واعملي يا ستي اللي انتي عيزاه بس والله يا دارين اللي بنقولك عليه هو الصح وهتعمليه ڠصب عنك اتفقنا
دارين حاضر
هيما جايبلك عروسه شبهك صحيح نامي انتي وخليها هي تقعد تذاكر شويه بدالك 
بصت دارين لدره وضحكوا 
هيما يلا هنمشي انا وهنتابعها معاكي يا دره اي غلطه افتني عليها
دره يا سلام بس كده عيني 
هيما تصبحوا علي خير فتح الباب ورجع بصلها ااااه 
وبما اني هنتعلق من كرم عشان جيت في الوقت ده فا نتعلق من دره بالمره مجاتش عليها
وهقولك اني والله العظيم بحبك اطير انا بقي 
ضحكت دره بسعاده غير طبيعيه لاول مره تجرب احساس الام اللي بنتها بتحب
وبتتحب ودارين وشها جاب الوان وقلبها فضل يدق بسعاده
نزل هيما كام سلمه بسرعه 
دره بضحك طيب مش عايز تسمع الرد حتي
هيما بإبتسامه لا سمعته خلاص وعلي فكره بنحبك انتي كمان يا احلي دره في الدنيا 
دره بحب وانا بحبك اكتر يا هيما
هيما سلام 
قفلت دره الباب وبصت لدارين وضمتها لصدرها بسعاده
دره بيحبك وخاېف عليكي بجد اسمعي الكلام ومتزعليهوش طب نقولك علي سر
رفعت دارين راسها لإحراج وابتسمت قولي
دره زمان وانا في ثانوي كنت بنعمل زيك ويمكن اكتر منك والله يا دارين لو وقتها كرم كان قاللي ربع الكلام ده لا كنت قطعت المذاكره بايدي وسناني وخدت طاقه ايجابيه تكفيني من هنا لاخر الدراسه
دارين بس كرم بيحبك اكتر بكتير
دره عارفه بس مكنش بينطق وانتي معاكي واحد بيتكلم وبيعبر وبيظهر مشاعره ليكي قدام الكل فرحيه يا دارين وفرحيني وفرحي نفسك من غير ما تنكدي علي روحك او تتوتري عارفه ان الموضوع مش سهل وانك مضغوطه وربنا يكون في عونك وليكي كل الحق بس كمان الهدوء يخليكي توصلي للي انتي عيزاه
فهماني يا قلب مامي
دارين فهماكي وهحاول اعمل كل اللي قولتوا عليه ده وبحبك اوي اوي اوي
دره بحب وانا بحبك انتي واخواتك اكتر من روحي وعارفه انكم هتفرحوني بجد ممكن يلا بقي تروح تاخدي شاور لحد ما احضرلك اكل انتي واخواتك وسبيلي بقي تظبيط الشوكلت عليا 
دارين بإبتسامه اتفقنا
نزل هيما طلع عالبيت ومن نفسه طلع علي شقه كرم حكاله كل حاجه حصلت 
بص هيما لكرم لقاه رافع حاجبه
هيما بضحك طب ايه هتعلقني امته انا جيت نقولك اللي عملته من نفسي
كرم بإبتسامه جميله خلاص براءه مش هنعلقك المرادي عشان خاطر البنات
هيما بحب والله ما كنت هنطلع يا كرم
كرم متحلفش يا ولا انا مش عارف اخويا ولا ايه بس ودين محمد لو اتكررت تاني هننفخك انتي و الشبر ونص اللي طلعتك 
اخرك عند بلبله وفي وجود عبدالله وعمك زكريا
هيما بحب ابتسم حاضر مش هتتكر تاني 
كرم ماشي يا عم المهم انك نازل مبسوط هاااا
هيما ااااا يعني
كرم عليا يا واطي ده الحب بينقط منك يلااااا خليني ساكت
هيما بضحك طيب انا هننزل بقي قبل ما تستلمني تصبح علي خير
كرم وانت من اهل الخير
هيما بنقولك ايه انت هتقول لدره اني لبستها معايا 
كرم لا يا سيدي مش هنقول هي اصلا متعرفش اني عرفت لسه ولا هي قالتلي انها عارفه اللي بينكم فا مش هضيع اللحظه الحلوه دي بس بردوا هننفخها لما تعرفني
هيما لا براحتكم بقي كلوا بعض دي مش بتاعتي سلام
كرم سلام يا واطي 
اما عند سونه كانت قاعده في اوضتها بتفكر في كلام دره حاسه انها هديت كتير وبدأت تفكر بعقل شويه رغم انها مكانتش مقتنعه او مكانتش حاسه عمرو غير انه زي اخوها مش اكتر 
متصلش بيها تاني من اخر مره اتصل بيها الصبح وهي مردتش مكانتش عارفه هو اللي بيتصل ولا مريم ولو هو فقد الامل بسرعه كده ولا هو مش فارق معاه اصلا وكل اللي كان عايزه هو حياة ولاده ولما رفضت قرر يبعد مكانتش عارفه هي اصلا ظلماه ولا لأ 
وثواني وجالها الرد وحست انها فعلا ظلماه بعتلها رساله 
فتحتها سونه ومن غير ما تحس ابتسمت 
عمرو اوعي تفكري اني سايبك ومش بتصل بيكي عشان استسلمت لرفضك وعدم رد عليا او تفكري اني قولت خلاص براحتها وكل شئ قسمه ونصيب
سونه عارف انك ممكن تكوني مش طيقاني وفهماني غلط بس والله انتي حقيقي فهمتيني غلط ومدتنيش فرصه نفهمك وعارف ان انا كمان اختارت وقت غلط بس حقك عليا 
وعشان خاطري انا سيبتك وقت طويل تهدي بس انتي متعرفيش الوقت ده من امبارح عدي عليا أزاي وانا مش عارف نوصلك ممكن بقي تردي عليا قبل ما انام و يا ستي افتحي الخط ومتتكلميش سبيني انا اقول اللي عندي وبعدين اقفلي من غير سلام حتي المهم تسمعيني حرام عليكي يا سونه والله الصداع هيفرتك دماغي أعتبريني محتاجلك وعارف انك جدعه ومش هيهون عليكي تسبيني كده ردي بقي عشان خاطري انا هتصل بيكي الوقت افتحي الخط ومتتكلميش اسمعيني بس اتفقنا 
قفلت سونه الواتس واتنهدت بقلة حيله صعب عليها وحست انها ممكن تكون ظلمته وهو اللي معرفش يختار وقت صح بصت للشباك وهي بتفكر و شبه إبتسامه ارتسمت علي شفايفها اول مره
حد يتحايل عليها ويحسسها بإهتمامه بجد اول مره متجريش هي علي حد 
ثواني ورن الموبايل خدت نفس طويل وبعدين فتحت الخط وحطت الموبايل علي ودنها 
عمرو اخيرا يعني كان لازم أصعب عليكي عشان ترضي عني وتديني فرصه انا منمتش من امبارح بسببك يا سونه عارف اني زعلتك بس والله مكنتش نقصد لما فضلت نتصل وانتي مردتيش خۏفت تروحي مني ومتتكلميش تاني والله العظيم يا سونه انا بنحبك وعايزك معايا انا بمر بفتره عمري ما مريت بيها في حياتي مضغوط بجد ومش عارف افكر
ويمكن ده السبب اللي خلاني اخترت الوقت الغلط في اني نعرفك كل اللي جوايا 
سونه انا محتاجلك و والله ورحمه امي مش عشان خاطر ولادي 
يمكن ولادي حبوكي واتعلقوا بيكي بس في النهايه دول اطفالي وارد ربنا يرزقهم بأي حد في حياتهم يكون كويس يحبوه ويتعلقوا بيه عادي ومع الوقت ممكن ينسوكي بس انا اللي محتاجك انا اللي عايزك يعني المشكله فيا مش في ولادي عشان زي ما قولتلك لو علي ولادي محلوله هقدر اراضيهم بأي حاجه
بس انا مين يراضيني يا سونه محدش هيعمل ده غيرك انا مش عايزك تردي عليا عايزك تفكري بس وتدي روحك فرصه عايزك متظلمنيش وتفهمي الموضوع صح مش زي ما فهمتي انتي
لو حابه تعرفيني اكتر انا ملك ايدك و أي وقت تطلبي ده مني هتلاقيني معاكي أسأليني عن اي حاجه حابه تعرفيها شوفي طباعي وادرسيها كويس اعملي كل اللي انتي عيزاه بس قولي اه يا سونه قولي اه وريحيني 
سونه بصوت هادي عمرو
عمرو بتنهيده راحه ايوه
عمرو انا فتحت وكلمتك عشان مزعلكش وعشان مبقاش قليله الذوق بس بجد انااا
عمرو قاطعها فرصه ده انا كل اللي طالبه فرصه واحده نثبتلك فيها اللي جوايا من ناحيتك عشان خاطري يا سونه خليني أشوفك 
سونه تمام يا عمرو
عمرو بإبتسامه انتي بتتكلمي جد انتي وافقتي
سونه هنسمعك بس انت كمان هتسمعني
عمرو ياستي انا ممكن نسمعك لحد الصبح ومش هنزهق المهم انك وافقتي 
سونه شوف المكان والوقت وبلغني 
عمرو اتفقنا طيب بكره مناسب 
سونه اي وقت يا عمرو شوف انتي الوقت المناسب ليك وبلغني
عمرو تمام يا سونه هنظبط كل حاجه ونبلغك
سونه تمام يا عمرو تصبح علي خير
عمرو براحه وانتي من اهل الخير
وللحديث بقيه 
أبن ليل
صاحبة البطل الواحد
أميره اسامه
البارت الواحد و الخمسين 
تاني يوم صحيت سونه فطرت سماح وبعد كده قامت عشان تعمل الغداء ودخلت سماح تذاكر
خدت سونه موبايلها ودخلت المطبخ تكلم دره وحكيتلها اللي حصل في المكالمه 
دره بإبتسامه واضح إن قلبك رد عليكي وقالك ردي علي الغلبان ده 
سونه احيه عليا انتي ده وقت هزار
دره ومين جاب سيرة الهزار مش ده اللي حصل
سونه يابت بطلي وخدي الكلام جد قوليلي نعمل ايه
دره ودي عايزه كلام روحي طبعا قابليه واديله فرصه يتكلم
سونه ده انا بنفكر نعتذرله ونقوله اي حاجه ومنروحش
دره لا هتروحي يا سونه هتقعدي وتتكلمي معاه المقابله اللي فاتت انتي خدتي الكلام علي قلبك ومشيتي وانتي مټعصبه وهو مهما كان وضحلك وشرح مكنتيش هتسمعي انتي الوقت هديتي واكيد هتقدري تستوعبي الكلام بشكل أفضل 
سونه انتي شايفه كده
دره والله بعيدا عن اللي شيفاه بيتهيألي لو انتي مش شايفه كده مكنتيش قولتيله تمام وادتيلوا كلمه وعايزه ترجعي فيها الوقت
سونه مش حكايه نرجع في كلامي بس مش عارفه يا دره متلغبطه وبعدين مكسوفه اوي حاسه اني عامله زي المراهقين وانا مليش في الشغل ده
دره بضحك يا بت ادي روحك فرصه تبقي مراهقه بجد تحبي وتتحبي تدلعي وتتجني بلاش تاخدي كل حاجه في حياتي خبط لزق بقرار غلط ترجعي ټندمي عليه روحي علي المعاد يا سونه اجهزي وظبطي نفسك وحاولي تبقي راحه وانتي هاديه عشان تقدري تفهمي منه
سونه طيب خلاص هنروح
دره ايوه كده ربنا يهديكي خلصي معاه وكلميني
سونه هنكلمك اكيد عشان نحكيلك اللي حصل 
دره سونه
سونه نعم يا دره
دره اتبسطي هاااا افرحي بالمشاعر الحلوه اللي هتطلع من الراجل ليكي عيشي اللحظه وسيبي قلبك هو اللي يحكم
سونه حاضر يا دره ربنا يخليكي ليا
دره ويخليكي ليا حبيبتي يلا مش هعطلك بقي وهستناكي تكلميني
سونه حاضر يلا سلام
دره سلام 
اما عند دارين فا كانت في