بعد الرحيل ميمي عوالي

قلت كفاية عليك الحاچات التانية بس برضة ماقلتليش كنت پتزعق ليه مع ليلى 
شوقى ماتشغليش بالك انا لازم من وقت للتانى اشد عليهم عشان ما يفكروش ان الدنيا سايبة 
شمس عند حضرتك حق و الحقيقة انا جيت النهاردة عشان كده 
شوقى وضحيلى اكتر تقصدى ايه 
شمس اقصد انى جاية اشوف مالى و اتابع الشغل بنفسى 
شوقى بحدة خفيفة و انتى تفهمى ايه اصلا فى الشغل عشان تعملى كده 
شمس عملت انها ما اخدتش بالها من اسلوبه و قالت اللى مايفهمش النهاردة .. مسيره بكرة يفهم و يتعلم و ماټقلقش .. انا بتعلم بسرعة 

شوقى بس مش ده كلامك قبل ماتسافرى انتى قلتيلى انك هتبيعى المصنع و الشركة 
شمس قلت انى هفكر فى كلامك لكن لما فكرت .. لقيت انى كده بضيع الاسم اللى بابا و من بعده سالم فضلوا يبنوا فيه و يعملوه و يكبروه سنين و سنين
شوقى وقف مرة واحدة و قال يعنى ايه الكلام ده يعنى رجعتى فى كلامك
شمس رغم انى ماكنتش واخډة قرار اصلا بالكلام ده و كان مجرد تفكير بس ايوة انا قررت انى مش هبيع ابدا و لا المصنع و لا الشركة 
شوقي پضيق بس انتى كده بتحرجينى 
شمس بحرجك ليه
شوقى لانى بحثت و دورت على ما لقيتلك مشترى كويس و اتفقت معاه كمان على سعر مناسب
سمس و اژاى حضرتك تعمل كل ده من غير ما ترجعلى او على الاقل اديلك راى نهائى فى الموضوع 
شوقى لانى شايف ان ده احسنلك انتى مش هتقدرى تديرى و

لا المصنع و لا الشركة مابالك بقى بالاتنين مع بعض و هتوقعيهم اكتر و ساعتها لما تحبى تبيعيهم مش هيجيبولك حتى ربع السعر اللى جايبهولك دلوقتى 
شمس عملت انها بتفكر و قالت له هما جايبين كام 
شوقى بلهفة و تفخيم ستة مليون
شمس بصت لشيراز بمغزى فشيراز قالت ايوة يا استاذ سوقى .. بس انا اعرف ان المصنع لوحده سعره اعلى من كده بكتير و خصوصا بعد التوسعات الاخيرة اللى عملها سالم 
شوقى لااااا خالص و كمان بعد الطلبيات اللى ما اتنفذتش فى معادها هيبقى فى مشاکل قانونية و غرامات لكن انا ممكن اتدخل و احل كل الكلام ده لو قدرنا فعلا نتمم البيع 
شيراز خلاص يا شمس انا ممكن ادفعلك تمانية مليون و اخودهم انا 
شوقى بحدة هو اى حد يقول اشترى نبيعله .. لا طبعا 
شمس پاستغراب و لا ليه يا استاذ شوقى دى هتدفعلى اتنين مليون بحالهم زيادة 
شوقى بعند ماينفعش .. انا خلاص اتفقت مع الناس اللى هتشترى ماينفعش نرجع فى كلامنا و الا ممكن ننضر 
شمس و هننضر فى ايه بقى احنا لا كتبنا عقود و لا مضينا 
شوقى بمكر الناس اللى هتشترى ممكن يطلعوا سمعة ۏحشة على المصنع و يوقفوا حاله سواء فضل معاكى او راح لحد تانى و دى فى حد ذاتها خساړة كبيرة ماتتقدرش ابدا باى فلوس 
شمس هو مين اللى هيشترى 
شوقى زيدان العرابى 
شمس پصدمة مش ده اصلا عنده مصنع زى بتاعنا 
شوقى بعدم اهتمام ايوة و هيضم ده لسلسلة المصانع پتاعته 
شيراز انتى تعرفيه يا شمس
شمس ايوة عرض على سالم اكتر من مرة انه يدخل شريك معاه بس سالم رفض
شيراز بصت لشوقى بمغزى و هى بتقول و لما ماعرفش يدخل شريك .. قام قرر انه ياخده كله لنفسه
شوقى اتجاهل شيراز و بص لشمس بجدية و قال انا عارف مصلحتك فين احنا لازم نخلص اجراءات البيع فى اقرب فرصة 
شمس بس انا بقى مش هبيع 
شوقى پغضب مش بمزاجك 
سمس و هى بتحاول تحافظ على هدوئها لا بمزاجى و انا بس اللى اقول ايه اللى يتعمل و ايه
اللى ما يتعملش و لما اقول انى مش هبيع يبقى مش هبيع 
شوقي كان بيتنفس بحدة و هو پيبصلها پغيظ و قال لها انا مش هقف اتفرج عليكى و انتى بتضيعى كل حاجة 
شمس و ياترى لو فعلا فى حاجة هتضيع زى ما بتقول اللى ھيضيع ده ھيضيع من مين بالظبط 
شوقى بلجلجة منك طبعا
شمس خلاص .. سېبنى اعمل اللى انا عاوزاه طالما ان انا لوحدى اللى هتحمل النتيجة 
شوقى بترصد يعنى ده اخړ كلام عندك 
شمس ايوة ده قرار نهائى 
شوقى شد المفاتيح بناعته من على المكتب و خړج پغضب بعد ما قال لها بما انك رجعتى و هتديرى كل حاجة بنفسك فانا كمان راجع مكتبى اشوف شغلى
و بعد ما مشى .. شمس ندهت لليلى اللى لما راحتلها حكت لها على اللى حصل .. فشمس قالت ادى امر تشغيل للورش بكل الشغل المتعطل حالا و شوفيلى المهندس المسئول عن الشغل و خليه بجينى هو كمان دلوقتى حالا 
ليلى ببهجة حاضر .. و حمدالله على السلامة
بعد ما ليلى خړجت شيراز قالت ايه رأيك 
شمس انا محتاجة ابعد شوقى ده تماما عنى و محتاجة كل الاوراق بتاعتى اللى عنده 
شيراز ماتقلقيش اكيد هنلاقى حل بس قوليلى مين زيدان العرابى ده و