اسرتنى اعين صغيرتى بقلم منه ايمن
المحتويات
فى حياتى
سيدرا بحب لا يا يوسف متشكرنيش انا اللى اسعد انسانه فى الدنيا عشان انت معايا......تعرف النصيب ده غريب اوى انا وانت عمرنا ما شوفنا بعض ولا كنا نعرف بعص اصلا واتجوزنا ومشوفناش بعض غير يوم الفرح وتخلينى احبك الحب ده كله وتزود فرحتى انك تخلينى ابق ام كمان فعلا نصيب ربنا مفيش احسن منه
يوسف انا بحبك يا سيدرا......بحبك اوى
سيدرا بخجل وانا كمان يا يوسف
يوسف بمكر هو الدكتور مقالناش على كورس متابعه نمشى عليه
سيدرا بعدم فهم كورس متابعه ازاى يعنى
يوسف باقتراب تعالى هقولك.....
سيدرا وقد فهمت نوياه لا استنى انا اللى هقولك.....انا عايزع اتكلم معاك فى حاجه كده....
سيدرا بجديه حاجه بخصوص محمد اخويا..
يوسف بجديه ماله محمد فى ايه
سيدرا محمد ساب الشغل عند عمى حسين بعد اللى حصل وبيدور على شغل ومش لاقى لحد دلوقتى......
يوسف بتسال وهو اللى قالك
سيدرا لا ماما اللى قالتلى هو ميعرفش لسه انى عرفت اصلا وانا اللى قولت لماما انى هكلمك مع انها مكنتش موافقه بس انا اللى اصريت.....
يوسف طيب يا سيدرا خليه يعدى عليا بكره فى الشركه رغم انى مش بحب ادخل الامور العائليه فى الشغل بس يله عشان خاطرك انتى بس ليقاطعهم اتصال من زينات......
زينات بضحك يا حبيبت قلبى انا اكلمك كل لحظه لو تحبى يا روح ماما
سيدرا ربنا يباركلى فيكى يا ست الكل
زينات وفيكى يا حته من قلبى ويقومك بالسلامه
سيدرا يارب يا حبيبتى
زينات بهمس بقولك ايه هو جوزك جمبك
سيدرا وهى تنظر ليوسف بطفوليه لا فى ايه
زينات طب متقوليلوش على حاجه بخصوص محمد سبيه لما يروحله هو يكلمه بكره
سيدرا باستغراب ليه يا ماما فيها ايه
زينات اخوكى زعل جامد وقالى ميصحش ندخل القرابه فى الشغل وهو عايز يتعين عشان جدارته فى الشغل مش عشان النسب والقرابه
زينات قصت عليها كلامها هى ومحمد وموقفه من كلامها مع يوسف
سيدرا طب والله الواد محمد اخويا ده راجل
زينات طيب يا اختى متعرفيش يوسف حاجه بقى وسيبيهم يتعاملوا مع بعض هما بقى
سيدرا وهى تنظر ليوسف وترفع جاحبها حاضر يا ماما
زينات بحب طيب يا قلب ماما تصبحى على خير
سيدرا وانتى من اهله يا حبيبتى......
يوسف وهو يرفع حاجبه انتا كنتوا بتتكلموا عنى تقولوا ايه
سيدرا بضحك ده انت رامى ودنك بقى!!
يوسف بضحك لا اصلك بصتيلى مرتين
سيدرا بحرج اصل ماما قالت لمحمد انها قالتلى وانى هتكلم معاك فى الموضوع ده...
سيدرا قصت عليه حديث والدتها معها وحديث محمد مع والدته ليبتسم يوسف على كلام سيدرا....
سيدرا پغضب انت بتضحك على ايه
يوسف على شخصيه محمد انا بحب النوع ده اوى وبحترمه جدا ولازم اقابل محمد بكره واشوف الملف بتاعه وشغله عامل ازاى!!!
سيدرا بس اوعى تحسسه انك عارف حاجه ليزعل
يوسف متخفيش محمد عندى زى ساهر بالظبط
سيدرا بابتسامه حب شكرا يا يوسف
يوسف وهو يحضتنا شكرا بتبقى كده
سيدرا بخجل طب يله بقى تصبح على خير عشان الوقت اتاخر واحنا عندنا معاد مع الدكتور بكره لما تيجى من الشركه.....
يوسف بتذكر اه صحيح طيب يا حبيبتى وانتى من اهل الخير
فى صباح اليوم التانى فى قصر البسيونى......
كانوا جميعا يتناولون الافطار وكان يوسف وفريد يستعدون
لذهاب الى الشركه......
سلمى باستغراب انت رايح فين يا يوسف
يوسف بدهشه من سؤالها رايح الشركه يا امى!!
سلمى بنرفزه ومعاد الدكتور بتاع سدره مين يوديها
سيدرا بحب مقدره خوف سلمى عليها يا ماما يا حبيبتى الدكتور لسه بدرى على معادوا لما يوسف يرجع نروح عادى وهو مش هيتاخر متقلقيش
سلمى بحب طيب يا حبيبتى اهم حاجه متسهونيش بمعاد الدكتور لازم المتابعه اهم حاجه...
سيدرا بحب حاضر يا حبيبتى.......
ذهب يوسف اللى الشركه بصحبه فريد لتجلس سيدرا بصحبه مها ليتحدثا.....
سيدرا بتسائل ايه اخبار الكليه يا مها
مها بتذكر صحيح فكرتينى انتى لازم تروحى تاخدى الكرنيه من الكليه حاولت اجبهولك مردوش وقالوا لازم انتى بنفسك وكمان عشان انتى مروحتيش ولا مره.......
سيدرا طب المفروض اروح اجيبه امتى
مها بقلق الموضوع ده بقاله اسبوع يا سيدرا ومش عارفه هيقفلوا الباب امتى عشان الدراسه الاسبوع الجاى....
سيدرا پصدمه يا خبر طب اعمل ايه دلوقتى
مها بحرج مش عارفه والله يا سيدرا انا اسفه بجد
سيدرا طب بقلك ايه ينفع نروح نجيبه بسرعه قبل ما يوسف يجى....
مها طب هو ده مش خطړ عليكى
سيدرا لا مش خطړ ان شاء الله
مها باستسلام طب ماشى يله بينا
فى الشركه فى مكتب يوسف
السكرتيره الاستاذ محمد الاسيوطى يا يوسف بيه
يوسف دخليه بسرعه
السكرتيره اتفضل يا استاذ محمد يوسف بيه بانتظارك
محمد صباح الخير يا يوسف بيه
يوسف بابتسامه صباح النور يا محمد بيه
محمد بابتسامه لا بيه ايه ده انا جاى عايز شغل مش لدرجه دى
يوسف بضحك كمان طب مش تقولى يا راجل او تخلى سيدرا تقولى...
محمد
متابعة القراءة
