اتنين فى واحد بقلم ايمان شلبى
المحتويات
وبعدها بص قدامه بشرود
جزيت علي اسناني وانا بهبد علي العربيه
لو سمحت فهمني انت عايز مني ايه
رفع أكتافه بلا مبالاه
ولا حاجه
ولا حاجه ازاي يعني ..ممكن تفهمني ليه لما جيت تتقدملي كانت شخصيتك مختلفه تماما عن الشخصيه اللي قدامي
رد ببساطه وبكل قسوه وبرود
كنت عايز اطفشك باي طريقه
بصيتله من فوق لتحت بقرف
العصير وصل اخده من الراجل وحاسبه ومدلي أيده بالعصير بتاعي
اخدته منه بغيظ وشربت منه كميه كبيره وانا ببصله پغضب الدنيا
شرب بوق وابتسم ببرود
بس تعرفي بالرغم اني مكنتش طايقك وعايز اطفشك إلا أنك ډخلتي دماغي
لويت بوقي بقرف
ايه ډخلتي دماغي دي حسن الفاظك
غمزلي بمشاكسه
وش احمر من الكسوف وكنت عايزه الأرض تنشق وتبلعني
لا ميغركوش جو عبده مۏته اللي انا عايشه فيه ده انا اصلا بتكسف وبخاف من خيالي
الله الله ده احنا طلعنا زي البنات وبنتكسف اهو
رديت بضيق
لو سمحت ممكن تسيبني في حالي وتخليني امشي
امممم ممكن بس بشرط
ايه هو
تقولي لأهلك انك موافقه تتجوزيني
هه موافقه انت ناسي انا عملت فيك ايه قدامهم ولا ايه
توء مش ناسي
يبقي ازاي عايزني اوافق عليك
رفع أكتافه ببرود
اتصرفي
اتعصبت وهبدت علي الكرسي
لا مش هتصرف انا مش موافقه عليك اصلا هو عافيه يابو لبانه
رفع حاجبه ورد وهو بيبصلي بتحذير
لسه مقتنعه اني ابو لبانه
اه مقتنعه وسيبني انزل بدل وربي اصوت والم عليك الدنيا
اوكي صوتي
بلعت ريقي بتوتر
ب بقولك هفرج عليك الناس
تمام وانا مستني
انت مش خاېف
هخاف من ايه
ا الناس هتعمل منك شاورما لو قولتلهم انك خاطفني
ابتسم وهو بيبص في
عيوني وبنبره خبيثه
وهو في حد برضو بيخطف مراته ياقمر
مراته في عينك يابني آدم براس بخاخه انت
ضحك وهو بيبص قدامه
فتحت بوقي وسكتت لحظه وانا برمش بعيني
مرات مين
انا ياقلبي
وفجأة هجمت عليه وانا بمسكه من قميصه
تك ۏجع في قلبك مراتك ازاي اتجوزتني في المشمش
منطقش حرف لكن رفع عيونه يبص في عيوني عن قرب
لاحظت نظره اعجاب ولمعه غريبه في عيونه ف اتوترت
قلبي اتنفض وايدي اللي كانت قابضه علي قميصه اترعشت
فجأه وبدون اي مقدمات بعدت عنه وانا بهمس بصوت مهزوز
م مراتك ازاي وامتي انت اكيد بتكذب عليا
خرج ورقه من التابلوه وحطها في وشي وهو بيقول ببرود
اعتقد انك عارفه خط والدك مش كده
بلعت ريقي بصعوبه وانا بمد ايدي وباخد الورقه منه بايد بتترعش
بصيت علي الامضا لقيت خط شبه خط بابا بالملي!
عيوني لمعت بالدموع وانا بسأله برعشه
ا اي ده
قسيمه جواز ابوكي مضي عليها ومضاكي انتي كمان عليها من غير ما تحسي مقابل مليون جنيه
انت ا انت ا أنت حقېر ا انت حقييير
سحب الورقه مني وهو بيبتسم ببرود
مقبوله منك ياروحي
صړخت فيه وانا بعيط
الجوازه دي باطله انت فاهم بااااطله وانا مش موافقه عليها وبابا بابا استحاله يعمل فيا كده لا بابا معملش كده هو بيحبني و و و....
قاطعني پقسوه
بس بيحب الفلوس اكتر منك !
حطيت ايدي علي قلبي اللي حسيت أنه هيقف من كتر الزعل والقهر اللي جواه
همست بنبره متوتره فيها بصيص أمل
ا انت ضحكت علي بابا ا اكيد بابا ميعملش كده
هز رأسه بيأس وابتسامه
خلاص طالما مش عايزه تصدقي كلامي يبقي اكيد هتصدقي الفيديو ده
قال كلامه وهو بيفتح الفون بتاعه وبيحطه قدام وشي
كان قاعد مع ماما وبابا وهو حاطط رجل علي رجل بغرور
ايه رأيكم تاخدوا مليون جنيه
بابا وماما بصوا لبعض بلهفه وعيون بتلمع
ا احم وده مقابل ايه يا
متابعة القراءة
