مكتومكتوبه علي اسمي الفصل 57

نايم جنب عامر براحة وميرنا اللي نايمه في جنب بستغراب وميسرة كانت پتبكي وهي واقفه قدام عامر وقالت پبكاء سامحني يا عامر.. انا كنت ام انانيه.. مش انا الام اللي تستحق يكون عندها ابن زيك.. انا ظلمتك كتير وضغطت عليك كتير عشان كنت فاكره ان عزيز بيحبني وكنت عاميه ومش شايفه حقيقته!
كوكو صحى بانزعاج على كلام ميسرة وقالها أسكتي بقى يا ميسرة صدعتينا.. كلنا كنا عارفين انك عبيطة وعزيز الخبيث كان طمعان في فلوسك هو وبنته ميرنا الفقيرة!
عامر زعق في كوكو احترم نفسك يا متخلف انت واتكلم مع امي باحترام. 
ميرنا فتحت عينيها وقالت بقلق هو في ايه!!
شريف بص لهم بدهشة وقال ل عامر هما بيعملوا ايه هنا دول!! 
عامر رد عليه كوكو عايزنا نجهز حفلة عيد ميلاده وميرنا معندهاش مكان تروحله! وقاعدين هنا عشان احل مشاكلهم! 
شريف بص ل كوكو وميرنا وقال مشاكلهم ايه اللي تحلها وانت بالحالة دي!! هما مش شايفين انك محتاج ترتاح!
كوكو صړخ في شريف اسكت انت يا شريف يا بايخ.. عامر وعدني وانا مش هسيبه غير لما ينفذ وعده ليا.
عامر بص ل شريف وقاله شريف احجزلهم تذاكر السفر ل باريس يقضوا اجازتهم ولما يرجعوا نبقى نجهز عيد ميلاد كوكو.
كوكو انتفض من مكانه بحماس يعني انا هسافر باريس.
ووقف يتخيل هيعمل ايه هناك وبص ل ميرنا وقالها هنروح باريس يا ميرو.. يلا نروح نجهز الشنط. 
عامر قالهم ايوا روحوا جهزوا الشنط بسرعه وشريف هيحجزلكم.
ميرنا وكوكو كانوا متحمسين للسفر وخرجوا آلأتنين من الغرفة. 
عامر بص ل شريف وقاله احجزلهم يا شريف.. انا وعدتهم ولازم اوفي بوعدي معاهم.
شريف خسارة فيهم والله. 
عامر كفايه انهم ساعدونا. 
ميسرة بصت ل عامر وهي پتبكي بحزن وسألته وانا يا عامر مش عايز تسامحني.
رد عامر عليها انا عمري ما زعلت منك يا امي.. انا كنت بزعل عشانك.. أكيد كان بيصعب عليا اني شايفك مخدوعة وعايشة في كدبه 
ميسرة بكت وقالت بندم انا كنت غبيه.. كوكو عنده حق في كل كلمة قالها عليا.. انا كنت غبيه. 
عامر طبطب علي والدته بحب وقالها متبكيش يا امي.. فداكي انا وفداكي الدنيا كلها.. المهم عندي انك عرفتي الحقيقه اخيرا.
ميسرة كانت مڼهارة وهي پتبكي وندمانه على كل اللي عملته وبعدت عن عامر وقالت انها هتروح تغسل وشها في الحمام وترجع وخرجت سابت شريف وعامر لوحدهم. 
شريف قرب من عامر وقاله وانا زعلان منك على فكرة عشان انت معرفتنيش اللي بيحصل وخبيت عليا وعرضت حياتك للخطړ لوحدك.
عامر ابتسم وقال كفايه اللي حصلك بسببنا يا شريف.. اكيد مكنتش هعرض حياتك للخطړ مرة تانيه .. المهم طمني خالتي كويسه
شريف كويسه الحمد لله وكانت عايزة تيجي تشوفك بس انا معرفتش اجيبها معانا لان المحامي كان عايزني واخدت منه تليفونك علي فكرة وجبته معايا اهو.
عامر اخد منه التليفون وفتحه وقال لازم اللي حصل ده ميتعرفش يا شريف عشان اسمنا وشغلنا ميتأثرش.. لو حد عرف اني في المستشفى في شغل كتير هيتعطل وعملا كتير هيقلقوا على شغلهم معانا خصوصا اني اختفيت من فترة ومش لازم نوترهم كل شوية ويحسوا ان عندنا مشاكل كتير.
شريف انا هعمل اللي انت عايزه بس الدكتور قال انك مش هينفع تخرج من هنا قبل اسبوع على الاقل.
عامر بص في تليفونه بعد ما اتفتح وبدأ يستقبل رسايل كتير ومن ضمن الرسايل رسالة من آيات. 
فتح عامر الرسالة بتاعها وقرئها. 
آيات علي فكرة انا مش قلقانه عليك وكنت عارفه من الاول انك هتعمل كده