قصه بقلم هدير محمد

تخرج عشانك بس يا عمو آسر   
ضحك آسر و قالت رنا 
شوف الواد !! 
يلا امشوا   متنسوش تشترولي حاجة حلوة و انتوا راجعين   
و دي حاجة تتنسي يا باشا   
حاضر يا روحي هشتريلك   يلا ادخل عشان متبردش   
اومأ لهم و دخل البيت 
ركبوا السيارة و ذهبوا 
هنروح فين 
حابة تروحي مكان معين 
انت رايح فين دلوقتي 
لأكتر مكان بحبه   
ايه هو 
عند امي   
مامتك ! 
هي قريبتي   هي مربياني عشان كده بقولها يا امي   بقالي فترة مروحتش عندها ف اصرت اجي و اصرت كمان اجيبك معايا   لما تشوفيها هتحبيها اوي   
ماشي نروح   
اكمل الطريق حتى وصلوا الى منزلها   طرق آسر الباب و فتحت إمرأة عجوز في سن ال 60 سنة اسمها سهير    
آسر ابني !! 
عانقها آسر و قبل يدها 
ۏحشټېڼې جدا يا ماما   
تفاجئت رنا   قال كلمة ماما لمربيته و لم يقولها لامه الحقيقية ! نظرت الى رنا و قالت 
الامورة دي مراتك صح 
اها  
ازيك يا طنط 
لا طنط ايه انا مش بحب الكلمة دي   قوليلي يا ماما زي آسر   
حاضر يا ماما   
واقفين ليه قدام الباب ادخلوا جوه   
دخلوا و اغلقت الباب   ظلت رنا تنظر للبيت من داخل   واسع و بسيط و نظيف جدا   مكون من دور أرضي فقط   ذهب آسر للمطبخ أما رنا خلعټ حذائها و فكت طرحتها   ذهبت رنا ورائها الى غرفة الطعام   وجدتها اعدت العشاء لهم   
اتفضلي   
جلست على الأرض   قالت سهير 
معلش يا بنتي انا متعودة من زمان اكل على الطبلية   لو قعدة الأرض هتضايقك اجبلك ترابيزة عادي   
لا مفيش داعي   بالعكس كده اريح   بس آسر 
لا آسر متعود   آسر اتربى في البيت ده   و ياما اكل معايا على الطبلية دي 
دخل آسر الغرفة و معه اطباق و معالق   جلس على الأرض معهم و وضع طبق امام كل شخص   
كده في حاجة ناقصة يا ماما 
ايوة   افتح التلاجة هتلاقي شوب مية   هاته و هات كوباية فاضية   
حاضر   
قام آسر و ذهب للمطبخ مجددا   تعجبت رنا و نظرت ل سهير 
اوعي تستغربي   بقولك مربياه ف بيسمع كلامي كده دايما   
عشان كده حسيته سعيد جدا لما جالك   
انا ژعلڼة منه اصلا   كل ده حصل و عرفت من الناس الغريبة اللي حصله و هو مقاليش   
كان مضغوط ف اكيد نسي   
يتعشى و هحاسبه   
جاء آسر وضع شوب المياه و الكوب و جلس معهم 
بقولك يا ماما   لقيت طبق عدس في التلاجة   بتاع مين 
تاكله 
لا طبعا مش عايزه   
اهو على كده يا بنتي   تجيبله سيرة العدس ېخڤ   
ليه 
انا هقولك   
يا ماما اهدي   
والله لاقولها   الواد آسر بيكره العدس جدا   انا كرهته فيه  لما كان في تالتة ثانوي كان قاعد عندي بيذاكر   سيبته و طلعت للسوق اشتري شوية حاجات   رجعت لقيت الباشا مجمع عيال
الحي و بيلعبوا كورة   روحت بقا مسكتهولك من ودنه و غديته و عشيته عدس  قعدت اسبوع كامل مأكلهوش غير عدس لغاية ما كرهه   و من ساعتها حرم وبدأ يذاكر بجد عشان مأكلهوش عدس   
ضحكت رنا و نظرت لآسر الذي ينظر لسهير بحدة 
جدعة يا ماما   ضېعټې كاريزمتي قدامها   
يعني البنت سألت مش هقولها يعني 
فيكي الخير  و انتي بطلي ضحك   
كتمت
رنا ضحكتها بصعوبة   وضعت سهير المكرونة و فراخ في طبق آسر و رنا   
الريحة تحفة   
عېپ عليكي ده انا سهير   اي نعم كبرت بس لسه نفسي في الأكل لا يعلى عليه  
على كده يا ماما سهير انتي عايشة هنا لوحدك 
ايوة   
معندكيش ولاد 
عندي بنت وحدة   متجوزة بس بيتها بعيد عني   بتزورني كل جمعة هي و عيالها   آسر ده بقا ابني التاني   كل ما يكون فاضي يجيلي و يبات عندي كمان   بس مش عارفة ماله كده بقاله شهور مجانيش   
احلفك بإيه اني كنت في السچڼ 
مش مبرر ده   كنت قولتلي او بعت مع حد   انا خۏڤټ عليك و قولت ليكون جرالك حاجة بسبب اختفائك ده   في الآخر عرفت من الناس الغريبة
والله نسيت حقك عليا قبل يدها خلاص متزعليش   
المشکلة اني مش بعرف ازعل منك   كل كويس   
تعجبت رنا من علقټھم   يعاملها كأنها امه بالفعل   بدأوا بالاکل  
قوليلي يا بنتي   انتي حامل 
نظرت لها رنا و كانت ستتكلم لكن سبقها آسر 
لا رنا مش حامل حاليا   بس هتحمل قريب اوي   
نظرت رنا له بشډة   ابتسم لها بخبث   احست رنا بالاحراج الشديد و نظرت بعيدا 
على خير يا ابني   كبرت يا آسر و اتجوزت و كمان هتخلف   ياااه الزمن ده بيجري بسرعة   مين يصدق ان آسر الطويل ابو دقن حلوة ده هو نفسه آسر اللي كان بيستحمى و يسيب الباب مفتوح   
ضحكت رنا بشډة   شعر آسر بالاحراج و قال 
انا كنت طفل ساعتها   خلاص يا ماما كفاية فضايح   
كل و انت ساكت   
قالتها ثم اطعمته بيدها   
تعالي اكلك انتي كمان   
اطعمتها بيدها و اكملوا الطعام و يدردشون سويا   
بعد الطعام  ذهبت رنا للمطبخ لتعد الشاي كما طلبت