قصه جديده كامله
المحتويات
فعلا تعبانه ومحتجاك
عمر خلاص يا مازن انا راجع ايطاليا النهارده
مازن لو مش هتقدر ترجع دلوقتي ممكن انا اسافر ايطاليا واطمنك عليها
عمر لاء يامازن انا لازم اطمن عليها بنفسي اقفل انت دلوقتي وانا لما اوصل هبقى اطمنك
مازن ماشي ياعمر ربنا يطمنك عليها مع السلامه
دخل عمر الغرفه عند هنا وهو يتحدث سريعا
عمر هنا قومي اجهزي احنا هنسافر ايطاليا حالا
هنا في ايه ايه الا حصل
عمر أمي تعبانه ولازم اروحلها
هنا تمام الشنط جاهزه وانا ثواني وهجهز
عند ثنائي الشړ
تجلس كرولين في المستشفي تنتظر رجوع عمر بعدما اتمت اتفاق مع مسؤل المستشفي بأقناع عمر بمرضها وقف جنبها زوجها كريم وهو يعطيها الهاتف تتحدث الي سرين
كرولين ايه حبيبتي الاخبار
سرين تمام يا كوكي انا روحت لمازن واقنعته انك تعبانه ومتأكده انه اتصل بالمستشفي يتأكد
سرين يبقى اكيد بلغ عمر اجهزي بقى ياكوكي ممكن تلاقي عمر عندك في اسرع وقت
كرولين ماتقلقيش حبيبتي انا في انتظاره بس انتي مش ناويه ترجعي ايطاليا بقى
سرين مش دلوقتي ياكوكي لازم ابقى بعيد عشان أكون بعيده عن الموضوع
كرولين اوكي سرين بس أول مانخلص من البنت دي تكوني علي اول طياره لإيطاليا لازم كلنا نبقى جنب عمر
كرولين اوكي حبيبتي بااى
وقف كريم وهو ينظر لزوجته
كريم متأكده ان عمر هيوافق نعيش في معاها في بيت واحد
كرولين لازم يوافق خطتنا مش هتنجح وهو بعيد عننا مع البنت دي
نظر لها كريم بأبتسامه جانبيه ماكره وهو يعتقد بأن وجود هنا معهم بنفس البيت سوف يسهل عليه الاقتراب منها والحصول عليها بسهوله
________________________________________
دخل مسرعا الغرفه الموجوده بها والدته ولكن هنا ارادت الوقوف أمام الغرفه وعدم دخولها معه قبل ان يخبر والدته بأنها تريد مقابلتها والأطمئنان عليها
دخل عمر الغرفه وجد والدته تتوجع علي الفراش وهي تدعي المړض قام بتقبيل يدايها بقلق
كرولين وهي تدعي المړض بطريقه مذهله أذهلت زوجها الواقف ينظر لها بعدم تصديق من مهارتها القويه في التمثيل القادره علي اقناع اي احد
كرولين انا تعبانه اوي ياعمر ومش عايزه افضل في المستشفي رجعني البيت ياعمر
وعايزاك جنبي ماتسبنيش
قبل عمر يدها مره اخري وهو يطمئنها
عمر ماتقليقش ياحبيبتي انا هتكلم مع الدكتور ولو سمحلنا نخرج هرجعك البيت ومش هسيبك اطمني
فتح الباب وجد هنا تقف بقلق تنتظر عمر
ابتسم بسعاده لرؤيتها امامه اقترب منها وهو يمد يده بالسلام
كريم اهلا هنا ازيك
نظرت هنا ليده بتوتر وهي لا تعلم ماذا تفعل رفعت يدها تسلم عليه حتي لا تقوم بأحراجه ولكنها سحبت يدها سريعا عند ضغطه علي يدها بطريقه فهمت معناها سريعا وقفت بتوتر وهي تحاول النظر بعيدا عنه وعدم الحديث معه
لكنه لم يستسلم وحاول التحدث معها
كريم انتي مادخلتيش مع عمر ليه
تجاهلته هنا ولم ترد عليه
وهذا ما جعل عنده اصرار اكتر في التقرب منها
كريم انتي مابترديش عليا ليه ولا عمر مانعك تكلمي حد غيره
هنا لو سمحت انا معرفكش اصلا عشان اتكلم معاك وبعدين عمر يمنعني مايمنعنيش دي حاجه تخصنا وياريت ماتتكلمش معايا تاني عشان انا الا مش حبه اتكلم معاك
نظر لها كريم وهو يبعد عنها بمكر وغيظ من طريقة صدها له ولكنه اقسم علي الاسراع في تنفيذ مخطتهم وانفصالهم بأسرع وقت حتي تأتي اليه راكضه بعد ان يتركها عمر
خرج عمر من غرفة والدته بالمستشفي وذهب الي زوجته ليتحدث معها
عمر هنا أمي تعبانه جدا ومحتجانا جنبها
هنا هو أنا ممكن ادخل أطمن عليه
عمر معلش حبيبتي هي نامت دلوقتي تعالي معايا اروح لدكتور اعرف ايه حالتها بالظبط
هنا ماشي حبيبي وماتقلقش ان شاءالله هتبقى كويسه
قبل عمر جبينها
عمر يارب
داخل غرفة الدكتور المتابع لحالة كرولين
جلس عمر وزوجته أمام الدكتور ليطمئن علي والدته
________________________________________
عمر يعني حضرتك موافق اخدها معايا البيت
الدكتور مفيش مشكله اهم حاجه الراحه وتبعدوها عن اي ضغط عصبي
عمر حاضر يادكتور وياريت تشوفلنا ممرضه كويسه تيجي معانا البيت تساعدنا في رعايتها
تحدثت اليه هنا
هنا مش محتاجين ممرضه انا عندي خبره كبيره في التمريض واشتغلت ممرضه فتره واقدر اساعدها
قام عمر بمسك يدها وقبلها
عمر انا مش عايز اتعبك ياروحي وبعدين انتي عندك مذاكره ماتنسيش كليتك
هنا ماتقلقش عليا انا هكون سعيده جدا وانا وبراعي والدتك صدقني
عمر معلش حبيبتي عشان خاطري انا مش عايز اتعبك
نظرت له هنا بأحباط
هنا حاضر الا تشوفه
عمر تمام يادكتور ممكن حضرتك ترشح لنا ممرضه كويسه وانا هخلص اجرأت الخروج
الدكتور تمام الا حضرتك تشوفوا
اخذ عمر والدته معه الي منزله الخاص وذهب معهم زوجها ليعيش معهم بنفس المنزل ليكون بجانب زوجته
توترت هنا كثيرا من فكرة وجود كريم معهم بنفس المنزل في لا تشعر بالراحه اثناء وجوده بالقرب منها
عند مازن ودينا
دينا انا مش عارفه ايه النحس ده كل مانقول خلاص يحصل حاجه
مازن متزعليش يا حبيبتي والله عمر كان راجع هو وهنا عشان موضوع خطوبتنا ده بس تعب والدته ده هو الا منعهم
دينا انا بجد مش عارفه اقول لبابا ايه يعني اول مره حدد الميعاد وعمر وهنا سافروا ودلوقتي مش هيقدروا يرجعوا مصر غير لما مامته تبقى كويسه
مازن صدقيني اول مايرجعوا هجيب عمر ونيجي علي طول ونتفق علي خطوبه وكتب كتاب في نفس اليوم
نظرت له دينا بسعاده
دينا بجد يا مازن
مازن اه طبعا ياروح مازن دا انا بحلم باليوم الا تكوني فيه مراتي ونعيش مع بعض في بيت واحد
دينا انت بقيت رومانسي كدا من امتى
مازن طول عمري ياقلبي بس انتي الا مابتفهميش هههههه
ردت عليه دينا پغضب وهي تقوم من مكانها وتتجه للخارج
دينا علي فكره انت الا مابتفهمش وانا غلطانه اني بتكلم معاك
ضحك مازن عليها كثيرا وهو يقوم بمسك يدها قبل ان تذهب
مازن هههه والله بهزر معاكي ماتزعليش انا أسف
نظرت له پغضب مصتنع
دينا ماشي يا مازن انا هعرف ازاي اخليك تتكلم معايا جد زي مابكلمك
ثم ذهبت وتركته
نظر مازن امامه وهي يهز كتفيه ويحدث نفسه
مازن هو انا قولتلها ايه يزعل
وقفت هنا بجانب زوجها في غرفة والدته بمنزله الخاص كانت كرولين تستحق جائزة احسن ممثله وهي تتقن دور المريضه
تحدثت اليها هنا بأحترام
________________________________________
هنا الف سلامه علي حضرتك
نظرت لها كرولين بتكبر وهي ترد عليها
كرولين شكرا
شعرت هنا بالاحراج الشديد من معاملة والدت زوجها لها بهذه الطريقه
شعر عمر بحزن هنا من طريقة والدته قام بضمھا اليه وهو يحدث والدته
عمر هنسيبك ترتاحي شويه يا أمي وهاخد هنا افرجها علي البيت
ردت عليه كرولين بسخريه
كرولين اتفضل ياحبيبي براحتكم
بعد ذهاب عمر وزوجته من غرفة كرولين تحدث كريم اليها بمكر
كريم البنت دي شكلها مش سهله ابدا احنا لازم نخلص عمر منها بسرعه
كرولين عندك حق اي حد يشوف البنت دي تقدر تخدعه بسهوله شكلها فعلا مش سهله
كريم وناويه تعملي ايه
كرولين لازم اكشفها قدام ابني في اسرع وقت
نظر لها كريم وهو يبتسم
متابعة القراءة
