حارس علي قلبي بقلم زهرة الربيع

زيتون شفتهم في حياتي 
ضحى بصتلو باستغراب وقالت ...زيتون ايه 
معتصم 
ضحى نزلت عيونها بكسوف وقالت بتوتر شديد ... احم شكرا.. طيب ...انا..انا جيت علشان..علشان اسالك لو هنطول هنا.. و ...ممكن تبعد يعني علشان اعرف اتكلم معاك 
معتصم ضحك ضحكه جميله اوي وبعد خطوه 
ضحى لسه هتاخد نفسها شدها بقوه عليه وقال ...انا بعدت... بس زي ما يكون فيكي مغناطيس بيشدني 
ضحى ضحكت وبصت لعيونه وقالت.. انت فاكر ان الحركات دي ممكن توقعني 
معتصم ابتسم وقال ..ادينا بنجرب
ضحى ضحكت بخفه وقالت ...انسى مش هستفيد حاجه.. ودفعته وقالت ...جرب في حاجه ممكنه اكتر عشان ما تحسش بالفشل اسرع 
معتصم ابتسم على ثقتها وقال ....حبيت التحدي معاكي 
ضحى ابتسمت وقالت بثقه... بس انا مش هدخل التحدي اصلا ما بدخلش تحدي كده كده هكسبه عشان ما فيهوش اثاره ..ولا بحب ادخل تحديات مع حد اضعف 
معتصم ابتسم على طريقتها الجميله وفضل باصص لها شويه وهي قالت...انا احم..جيت عشان اقول لك ان انا مخنوقه قوي بالفستان ده 
معتصم قال بتفكير...امممم...للاسف مفيش هنا غير هدومي 
ضحى نفخت بضيق وقالت...زي ما اتوقعت... تمام انا هتصرف في حاجه البسها 
ولسه هتمشي مسك ايدها وقرب منها وقال...التحدي بدا من دلوقتي 
ضحى بصت له بسخريه وشدت ايدها وقالت ...ابدأو لوحدك 
و مشيت بسرعه على الاوضه وقلبها بيدق بشده من حركاته وقربه وكلامه 
معتصم فضل باصص لطفها باعجاب شديد وبقى يجهز الاكل 
بعد شويه جهز السفره ودخل عشان يناديلها 
في الاوضه كانت ضحى استحمت وطلعت وجابت لبس من دولاب معتصم كان عباره عن قميص وبنطلون
ولبست القميص و لسه مقفلتوش وبقت تحاول تلبس بنطلون وكانو وسعين جدا عليها وبتحاول تقفل البنطلون بس كان اوسع بكتير من خصرها 
نفخت بزهق وهيه بتقول...اقفلو ازاي بس ده انا محتاجه اتنين تاني يدخلو معايا فيه ...وهنا دخل معتصم هو بيقول الاكل جاهز و 
بس اټصدم بمنظرها 
ضحى شهقت بخضه وسابت البنطلون وبقيت تقفل زراير القميص بسرعه بس البنطلون واقع على الارض 
معتصم ضحك جامد وقال.... اللللعب... سيبي اللي فوق اللي تحت اولى قدر اخف من قدر 
ضحى شهقت بزهول من الموقف اللي بقت فيه وبقت تحاول تسحب البنطلون وتقفل القميص في نفس الوقت وهي بتقول ...اطلع بره يا انت ازاي تدخل كده 
معتصم ضحك وقرب عليها و هيه بقت ترجع لورا لحد ما لزقت في الدولاب وقالت بارتباك... معتصم ابعد لو سمحت.. عيب كده ارجوك 
معتصم بصلها من فوق لتحت وثبت نظره على عيونها وقال.... مش مقاسك ابدا كفايه قوي القميص البنطلون مستحيل 
ضحى هزت راسها بالموافقه وهو بقى يبص لها وقال... شكلك يوجع القلب 
ضحى ابتسمت بكسوف ونزلت عيونها وقالت... ابعد يا معتصم لو سمحت 
معتصم رفع وشها ليه وبص لعيونها وقال... لو بعدت ممكن تجرالي حاجه.... هعملها يعني هعملها
ضحى بصتلو باستغراب وقالت... هيه ايه دي 
ضحى قالت پغضب شديد ...بقول لك اطلع بره يامعتصم 
معتصم قعده على السرير وقال...اعتبريني خرجت و خدي راحتك انتي مش لبستي خلاص يلا مشطي شعرك بسرعه وتعالي عشان نتعشى الاكل جاهز 
ضحى وقفت قدام المرايه بغيظ وقالت... انا مش هتسمم 
معتصم ابتسم على نرفزتها وقال... ما هو انتي لو بتاكلي اكلك ما كانش الهدوم تسقط منك كده 
ضحى قالت بغيط....انا جسمي مظبوط.. انت اللي قد الحيطه 
معتصم ابتسم وغمز وقال ...من ناحية مظبوط فهو مظبوط وبالملي مخروط...بس انا كمان لازم ابقى قد الحيطه انتي ناسيه اني جارد ولا ايه. 
ضحى قالت بضيق ...لا انا مش ناسيه...بس انت اللي شكلك نسيت انك المفروض بتحمينا مش انت اللي تخطفني 
معتصم اتنهد وقال....لا مش ناسي ومستحيل انسى اي حاجه لاي حد سواء كويسه او وحشه 
ضحى بصتلو بسرعه وقالت.... هو انت مش هتقول لي ايه اللي بينك وبين شريف 
معتصم اتنهد بضيق وقال ...انا هخرج لو عايزه تاكلي حصليني
وخرج من الاوضه پخنقه 
ضحى مشطت شعرها بسرعه وقالت ....طبعا عايزه اكل انا واقعه من الجوع اصلا... وراحت وراه بسرعه 
طلعت لقته بياكل قعده قصاده على الكرسي وقالت ..انا مكنتش هتعشى بس قولت بدل ما اجوع بالليل 
معتصم ابتسم لانه عارف انها جعانه وقال ..هو انتي كنتي لسه ما تعشيتيش في الفرح 
ضحى قالت... لا كنا هنتعشى بعد الماذون ما يخلص كتابه بس انت سبقت العشا وسبقت الماذون 
معتصم اتنهد پخنقه وقال وهو بياكل ...هو انتي كنتي بتحبيه 
ضحى قالت بارتباك.... قصدك ايه 
معتصم ابتسم سخريه وقال ...قصدي واضح .خطيبك بتحبيه ولا لا..اصلي عمري ما حسيت انك بتحبيه كده ولا مهتمه ليه واستغربت انك وافقتي على جوازك منه 
ضحى اتنهدت وقالت...مش لدرجة بحبو...بس مبكرهوش...وبابا نفسو يجوزني وفي النهايه مش هلاقي احسن من شريف هو ابن عمي و كويسه ومحترم 
معتصم ضحك وقال ...كويس ومحترم ...اه...لا فعلا...بس انا مستغرب انك تربطي حياتك بشخص لمجرد انه ابن عمك 
ضحى اتنهدت و قالت.... انت عايز توصل لايه بالضبط... وبعدين انت مش بوظت الفرح بتسأل ليه 
معتصم قرب الكرسي منها وبص لعيونها وقال.... بسأل عشان حابب اعرف القلب ده مسكون ولا خالي 
ضحى ارتبكت من نظراته بس قالت بسرعه... لا مسكون وممكن عفاريته تطلع عليك كمان 
معتصم ضحك وشدها بقوه ضحى اتفاجأت وقالت ...سيبني انت بتعمل ايه و 
بس سكتها لما بقى يأكلها في بقها وقال .....تعرفي انا اول ما قلبي دق وعرف يعني ايه يتحرك كان بسبب جمالك كل ما اشوفك كنت احس هتجرالي حاجه من كتر ما كان يدق ...واتنهد وقال ..بس انا طلعت ولا نزلت مجرد بدي جارد عندك ..فكرت بسذاجه انه مجرد ما بدا يدق يبقى هيدق لاي حد خطبت زي ما انتي عملتي كده واحده مناسبه او كنت فاكرها مناسبه ...واتحولت ملامحه لڠضب رهيب وبص قدامه ودموعه متجمعه في عنيه 
ضحى استغربت كلامه وبصت لعيونه وقالت ....وبعد كده..كمل ايه اللي حصل شريف ليه داخله بالموضوع ده 
معتصم اتنهد وحاول يغير الموضوع وقال ...قومي من على رجلي انتي طلعتي تقيله ولا عجبتك القعده 
ضحى اتكسفت جدا وقامت بسرعه وقالت... انا ما خدتش بالي انت اللي عملت كده اصلا 
معتصم ابتسم وقال ....احلى عشوه اتعشتها 
ضحى نزلت عيونها بكسوف وخلصو عشاء ولمو السفره سوا 
معتصم دخل ياخد شاور وطلع لقاها نايمه على السرير بالعرض ومش سايبه اي مكان عشان ما يعرفش ينام جنبها 
معتصم ابتسم وقال... فينا من خم ولا ايه على اساس نمتي كده يعني 
بس ضحى ما ردتش عليه وعملت نايمه
معتصم ابتسم وقرب من السرير بخطوات بطيئه وحذر 
ضحى اتسعت عنيها بزهول وبقت تبص لهيونه وقالت.... انت بتعمل ايه قوم قوم انت

اټجننت 
معتصم بص لعيونها جامد وقال ....انا ممكن انام كده للصبح على فكره 
ضحى قالت بارتباك وتوتر ....خلاص انا اسفه انا هقوم من على السرير اصلا والله بس قوم لو سمحت 
معتصم كان غرقان في نظرات عيونها ...و هي بتحاول تدفعه وقالت.... والنبي ما تعمل كده تاني والنبي و 
ضحى غمضت عنيها بتوتر وقالت بحزن.. ممكن تبعد لو سمحت انا اتضايقت بجد حرام عليك 
معتصم اتنهد بيأس وبعد عنها 
قعده على السرير وغمض عيونه وقال بۏجع...يا ترى انت مش زيها ولا انا مش زيه ....وابتسم بسخريه وقال.... اكيد انا مش زيه.... ما هو مهما كان شريف