يعنى انتى موافقة اتجوز عليكى
- يعني انتي دلوقتي موافقة اتجوز عليكي التانية!!
= و التالتة والرابعه كمان! خليك حلو كده
- بجد والله
= ايوه! ده انا كده هريح دماغي
- تريحي دماغك؟
= أمال انت فاكر اي فاكرني زي البنات الهبله هقولك عاوزاك ليا لوحدي؟ يعم انا خلقي ضيق اصلا
- امال بتتجوزي ليه
= حابة اللقب وزهقت من بيت أهلي
= وانت هدلعني بقا و تقعد تطبطب فيا عشان منكدش عليك لأنك هتجبلي التانيه
- ياعيني
= و طبعا هتخدلها شقه تانيه
- اها أمال هحط البنزين جنب الولاعه
= فا انا كده هضمن تلت ايام على الأقل فالشقة لوحدي و روقان بال بقي و ارتياح من الطبخ و التنضيف
- مش هتعملي اكل لنفسك حتي؟؟
= وهي محلات الاكل اتعملت ليه؟ الدلفري قصر معايا؟
- طب هتعملي اي و انتي قاعده لوحدك؟
= اكلم صحابي البنات نعمل نايت موفي اشتري قطه بقا عشان اغيظ امي الى كل شوية تقولي اعملي الى عاوزاه في شقتك اشتقلب اجري فالشقة مع العفريت
- طب و العيال ؟!
= عيوني عاوز تخلف كام
- كام ! هو انتي ارنبه يا خديجه
= الاه! هما مش هيبقوا حبايب بابي و هتخرجهم و تصرف عليهم؟ انا بس هربي وانا فالبيت! هتعب ف اي يعني عادي دول عيالي وانا كده كده أكيد هزهق من قعده البيت في يوم من الايام
- قعده البيت؟ هو انتي هتسيبي شغلك!!!
= اية ده هو انا كنت بشتغل؟
- فوقي ! انتي مهندسة وبتشتغلي اها
= حاكم الشغل ده مش كاري!! وبعدين بقولك عيالي اولي بيا
- و الكارير ؟؟ و مستقبلك و اناا سترونج يا محمد !!
= اصل شوف برضو كنت عايزه اخد لقب مهندسه انا هقعد هنا معتكفه والي يعرف يخرجني يفرجني انا ف بيت جوزي ولا انت شايف اي ؟!
- لاء طبعا براحتك تمام تمام.. ، يعني موافقة اتجوز عليكي واحده تانية
= خليهم اتنين كده هضمن حوالي اربع خمس ايام من غيرك يا محمد انا الكسبانه
بغيظ: هو انتي مش بتغيري عليا!!!!!!!!!
= اغير؟ يعني اي غيره؟ ده شرع ربنا هنكفر بقا هنكفر!!
- طب تمام انا غيرت رأيي يا خديجة
ردت برقص و غنا: يووووووه حقيقي زعلت يااااااه انا اتأثرت ابوس ايدك اتجوز!
= لا يا خديجه انا خلاص كده معاكي لحد ما اموت
مش عايز حد غيرك
- ماشي يا حبيبي تنور اعملك شاي
= طب خديجه بقولك اي طب لو عرفت عليكي واحده؟ هاا عشيقة مثلا ؟ اي موقفك ساعتها!
- بيقولك مره خېانه يعني هتبقي خاېف ، يعني عشان تدراي جريمتك ومكشفكش هدلع فيا اكتر و اكتر و هتشلني من عالارض شيل و احتمال تغسلي المواعين
بصلها بنص عين وعدم تصديق: طب بيقولك مره مبخفش يا خديجه!!!! و هبقي ظالم و مش هدلع حد و اعرفي اني خاېن عادي اتفلقي !
- طب بيقولك مره بقا زوج ظالم و مفتري يعني دموع بالكوم و هطلب الطلاق و في نفقه بمليون جنيه و في شقة انا قاعده فيها ب اتنين مليون جنيه هخدها طبعا عشان حاضنه!!
= عشان انتي حاضنه!!؟؟؟ حاضنه مين لامؤاخذه!؟
- يوه هو انا مقولتش لك اني حامل؟
=...................
- انا حامل يا محمد مبروك هتبقي اب
=...................
- محمد ؟؟ انت مو_ ت؟
=...................
- طب بيقولك مره ارملة و حامل يعني كله بتاعي.
