مراهق في سن الثلاثين بقلم إيمان_شلبي
هفضل مستنيكي علي امل قلبك يحن وتحبيني زي ما بحبك لكن ميصحش انتظر منك الحب لانك محبتنيش من البدايه
لان اللي بيحب حد بيحبه بكل مميزاته وعيوبه
مكنتش هفتح قلبي لشخص بيحبني من زمان وانا مش شايفه ومعمي بحبي ليكيكنت هضحي بقلب بيحبني علشان حد محبنيش أصلا!
علي فكره انا مش بعاتبك ولا زعلان منك صدقيني بالعكس أنا لسه بحبك لكن زي اختي الصغيره واتمني متزعليش وباذن الله ربنا يعوضك بحد بيحبك بجد
وياتري بقي مين القلب الجميل اللي حب يوسف بيه بالرغم من كل عيوبه!
ابتسم علي ذكر سيرتها ورد بحب
سما بنت عمي
كنت عارفه
رد باستغراب
كنتي عارفه!
كان بيبان عليها جدا
طب ايه نقول مبروك!
هز رأسه بابتسامه واسعه
الاسبوع اللي جاي فرحنا باذن الله
ابتسمت ابتسامه باهته وقالت
الله يبارك فيكي عقبالك مع حد يستاهلك
ردت والدموع بتلمع في عينيها
يارب عن اذنك
اتفضلي
بعد مرور أسبوع
كان واقف قدام البيوتي سنتر مستنيها تخرج بفارغ الصبر
دقات قلبه كانت في سباق من توتره!
كان في مشاعر كتير جواه مش قادر يوصفها
مشاعر مختلفه لاول مره يحس بيها مع حد
وقتها بس أدرك أن اللي فات مكانش حب
أدرك أن الحب الحقيقي هو حبه لسما
هي البنت الوحيده اللي
اتحملتهانتظرته سنين طويله حبته بدون مقابل
وحانت اللحظه المنتظره
لحظه خروجها
اول ما خرجت وقف متنح
مش قادر يستوعب اللي شايفه قدامه!!!
قرب منها ومسك ايديها الاتنين ومن ارتباكه
وفرحته قال
ا انتي ا انتي اتخمرتي!
ردت بذهول
اتخمرت ايه هو انا عجينه بيتزا!!
خبط علي رأسه وهو بيغمض عينه بأحراج
اقصد اختمرتي ي يعني يعني لبستي الخمار
هزت راسها بابتسامه رقيقه وهي بتلف حوالين نفسها
باس ايديها برقه وبعدها باس راسها
زي القمر ياحبيبتي
عيونها لمعت بالدموع وهي بتبص في عيونه وقالت بصوت مهزوز
ا انا مش مصدقه اني بقيت معاك ا انا حاسه اني بحلم
حلم جميل اوي مش عايزه افوق منه!
ابتسم برقه وهو بيتنهد
انا بحبك اوي ياسما
انا فعلا لولا ايدك اللي اتمدتلي مكنتش هتغير للأحسن
وانا بحبك اوي
شكرا يارب انك استجبت دعواتي
لما الإنسان بيلاقى اللي بجد أمانه
يهتم بقلبه واحزانه ويشاركه حياته واحلامه
بيرجع يضحك من قلبه بجد
لما الإنسان بيلاقي الشخص اللي يصونه
بترجع تلمع تاني عيونه
ويفهم ايه الحب ومضمونه وروحه بتترد
مراهق_في_سن_الثلاثين
إيمان_شلبي
