ده علي ايده وشم
المحتويات
ورجعت معاه كأنى طفله بسمع كرتون وبحب اللعب رجع ليا سديم اللى كنت مفتقداها.
_شاطرة إنك عارفه دورك كويس وبتنفذيه
بصتله بإستغراب _ دور ايه يا سفيان
_دور إنك تبقى أم ل سراج
_انا اللى خلانى ان ابقا أم ل سراج هو إن زوجة ليك
قلت اخر كلمه وأنا فى ايدى الاطباق ورايحه ناحية المطبخ حسيت بخطواته ورايا
_انت إزاى تمشى وأنا بكلمك!
_انت هتعيشى فى دور الست المطيعه ده لحد امتا عشان انا خلقى ضيق
_مش فهماك
_اوعى تكونى مفكرة إنك لما تهتمى ب سراج وتهتمى بيا وتصحى معايا ومتنميش غير لما اجى إنك كدة بتوقعينى تؤ تؤ مش أنا
_طيب ممكن اغسل
الاطباق
مش رد وبدأ يأخد خطوات لبرا المطبخ وبدأت أغسل الاطباق وأنا بقلد صوته
_ياربي مش بيرد ليه ده!
سراج وهو بيسمع التلفزيون _طول ما بابا فى الشغل مش بيرد على حد متتعبيش نفسك يا سدود
_سدود! طيب انا هنزل أجيب الحاجات اللى عايزاه من الهايبر تحت واهو تحت بيت مش بعيد يعنى مش ضرورى يعرف
_ما بلاااش يا سديم يبنتى وحفظى على بيتك
_عيب عليك هو أنا تلميذ مكان ما هتسبينى هتلاقينى
_اااه ربنا يستر بقا
وفعلا نزلت جبت الحاجات اللى محتجاها وأنا طالعه افتكرت أن فى مكتبه كتب كبيرة فى اخر الشارع فقررت اتمشا لهناك أشترى شويه كتب اتسلى فيهم وفعلا اشتريت ورجعت للعمارة وطلعت لشقه وفتحتها ودخلت وقفلت الباب
اتوترت ازاى جاي بدرى كدة عدا ع جوازنا شهر ونص مجاش مرة بدرى وهنا يحضرنى مقولة الكبير يا وقعة مربربة
_ما تردى كنت فين
رفعت الاكياس اللى فى ايدى _كنت بشترى دول
خد نفس بهدوء وبرز العرق اللى فى رقبته_لو لمحت ضلك برا باب الشقه من غير أذنى هزعلك فاهمه
_ أصلا اتصلت بيك ما انت لو مهتم كنت رديت
اخدت الاكياس وطلعت اللى فيها وانا واثقه أنه هيجى ورايا يزعق ان سيبته ومشيت قبل ما يخلص كلامه وبالفعل اخدت فرواله ودخلت المطبخ أغسلها وبلف لاقيته ورايا ولسا هيتكلم أكلته واحدة
سفيان بصوت عالى_أكلتينى فراولة وأكلت انت بعقلى حلاوة ماشى يا سديم
ده كان اول يوم نقضيه سوا من بعد جوازنا حضرنا الغدا سوا وأكلنا كنت حاسة بدفء غريب منهم وخاصه كلمته لالا الحته دى قمر دوقى كدة! كان ديما بابايا بيعمل كدة مع أمى وموضوع كان حلو حلو بشكل ممتع وقررته إن أكسبه لصفى و أكون عيلة لطيفه فيها حب ومودة وإن لازم أحاول معاه وعشانه.
_صباحو..حاضر
كان بنطلون كحلى وقميص أبيض خرجت وبدأت أعمله قهوة.
_أتفضل قهوتك
بص ليا ورفع حاجبه وحسيت لوهله إن اودام ظابط شرطة مش جوزى وقرة عينى لاء وشرب بهدوء _تسلم إيدك وأخد حاجاته ونزل
_بس كدة! تسلم إيدك نينينى مين فى مصر مراته بتفطره أصلا
بدأت علاقتنا تتطور بهدوء وبدأت المدة اللى بيقعدها فى بيت تزيد مش هنكر إن شكه وعدم خروج من بيت حاجه خنقانى بس كفايه اننا لحد ما بقينا مقربين لبعض.
_تانى يا سفيان رامى جاكت البدلة على الانتريه تانى يا زكى تانى
لاقيته قاعد ووشه أحمر ونفسه عالى وحسيت إن فى كارثه فقلت أمشى بهدوء وحبيب قلب ماما يروق نبقا نتكلم
_فاضيه النهاردة
_احم هه لا والله ما فاضيه لسا هعمل الغدا واروح اجيب سراج
متابعة القراءة
