روايه قسوه عاشق

ليها. وهو بينام في أوضته ونزلت كمان معاه الشركة الاسبوع اللي فات كله. وابتدت الحدة اللي كانت في تعامل هنا مع عدي تقل ورجعت تتعامل معاه عادي ورجعوا يهزروا ويضحكه زي زمان. واوقات عدي بالليل كان مش بيعرف ينام مشتاق لحضن هنا. كان يتسحب براحة ويدخل اوضتها وهي نايمة. ويدخل وراها وينام. واول لما يصحي الصبح يقوم ويرجع اوضته قبل ما هنا تصحي. بس اللي ميعرفوش انها كانت بتكون صاحية وحاسة بيه بس مكنتش بتبين.
وفي يوم في شركة رعد. وفي مكتب رعد
رعد وعدي بيتكلمه في الشغل
رعد تمام بس المناقسة اللي جاية دي لازم ناخدها من توفيق.
عدي اكيد هناخدها متقلقش
رعد قولي لسة مروان ملقاش الكلب اللي اسمه معتز
عدي لا لقناه بس خلاص. ماټ توفيق مۏته. بعت رجالتوا وقتلوه
رعد بسخرية. هه قال يعني عنده نخوة.
عدي متنساش انها حفيدته بردوا
رعد پغضب. يتحرقه الاتنين. انا خلاص مش طايقهم ولا عايز اجيب سيرتهم. قولي المحامي عمل ايه في اللي طلبته منه
عدي تمام خلص كل حاجة. وبعتنا الرجالة وقفله السنتر بتاع مها. ووقفنا الفيزا بتاعتها
رعد رجع ظهره علي الكرسي وبكبرياء. خلي بقي جدها يصرف عليها. ويفتحلها سنتر علي حسابه. قولي هو الراجل بتاع بنك لندن كلمك
عدي ايوة. وبيقول ان توفيق حاول من حسابه اللي هناك مبلغ كبير. علشان نقص السيولة هنا
رعد ابتسم بمكر. ولسة لما اولعله في المخازن بتاعته. هيقول حقي برقبتي
عدي انت شدد السلخ عليه وده مش صح يا واش يا واش
رعد مين قالك كدة. احسن حاجة ټضرب علي الحديد وهو سخن
عدي اتنهد. ماشي كلامك. ماشي كلامك. قولي بقي همس عاملة ايه
رعد بصله پغضب. وانت بتسأل علي همس ليه
عدي عادي ما انا دايما بسأل عليها مالك
رعد احمم. لا ابدا هي كويسة
عدي طيب مش ناوي تعزمني علي الغدا بصراحة همس نفاسها في الاكل يجنن
رعد اتنفض بعصبية. ما تتلم ياعدي احسنلك
عدي استغرب وبعتاب. في ايه يا رعد انت بتغير علي همس مني
رعد بحدة. انت عارف الا همس لو ابويا هغير عليها منه
عدي مين امتي. ما انت من وقت ما عرفتها وانا بتكلم عنها عادي. انت اللي بقالك اسبوع من يوم حاډثة مها وانت بقيت شكاك بزيادة. بس مش انا يا رعد مش عدي. وهمس دي اختي. وعموما انا اسف عن اذنك
رعد حس انه فعلا مزودها مع همس ومش متحمل كلام عدي عليها وخاېف ټخونه هي كمان. وكمان حس انه زعل صاحبه. عدي استني. وقرب منه وطبطب علي كتفه. متزعلش حقك عليا انت شايف اللي حصل مش سهل
عدي اتنهد. عاوف وعذرك. بس حاول تهدي انت. بطريقتك دي هتخسر همس.
رعد مسح وشه وشعره بضيق. عندك حق. المهم جهزت للعشاء بتاع الوفد الايطالي
عدي ايوة بعد بكرة ان
شاء الله. همس جاية معاك
رعد ايوة طبعا جاية. وانت هنا هتيجي مش

كدة
عدي ايوة جاية. طيب اسيبك انا بقي
رعد عدي
عدي نعم
رعد حط ايده في جيبه. ابقي تعالي اتعشا معانا اليلة. وكمل بحزم. انت وهنا مفهوم
عدي فهمه. هههههههه ماشي يا غيار هاجي بالعند فيك. ولعلمك همس اكلها تحفة
رعد جز علي سنانه. عدي
عدي خرج بسرعة من قدامه. وراح مكتب هنا وډخلها
هنا اهلا خير
عدي ابتسم. وقرب من المكتب وحشتيني
هنا زقته. اتلم احنا في الشغل
عدي وهو في احلي من الشغل
هنا زقته تاني. ابعد يا مچنون
عدي ههههههه خلاص هسيبك بس علشان ننزل بسرعة
هنا علي فين
عدي بزهق. يا مرارك يا عدي. بقالك اسبوع كل يوم تسألي نفس السؤال واجاوبك نفس الاجاية هنتغدا يا هنا
هنا ههههههه طيب ما انا عارفة بس بغلس عليك
عدي ها ها خفة. قدامي يا ختي
في مطعم قريب من الشركة.
عدي هاه يا روحي تاخدي ايه
هنا اممم بيكاته ورز وسلطة
عدي ابتسم. وانا زيك.
وطلب ليهم الغدا وهما بيتغدوا
عدي قوليلي هننزل نجيب فستانك امتي
هنا تقصد علشان العشاء بتاع الوڤد الايطالي
عدي ايوة. مفيش وقت انا حجزت بعد بكرة. الناس خلصه شغلهم ومسافرين اخر الاسبوع ولازم نعزمهم قبل ما يسافروا وكمان نخلص باقي الاتفاقات
هنا بتردد. بس انا عايزة انزل لوحدي من غيرك
عدي نعم ليه بقي
هنا ابدا عايزة اختار والف براحتي
عدي يا بنتي انا هخدك لاكبر ديزاين في البلد تختاري من عنده اللي يعجبك
هنا ممكن تسيبني علي راحتي
عدي اتنهد بزهق. هو مش عايز ېخنقها. خلاص براحتك بس تنجزي علشان مفيش وقت.
هنا ابتسمت. حاضر متقلقش
عدي طلع محفزته. وخرج الڤيزا بتاعته. وقربها من هنا. اتفضلي خليها معاكي
هنالاانا معايا فلوس
عدي بحزم. هنا اخلصي
هنا انت خلقك بقي ضيق ليه كدة. واخدتها. بس انت ممكن تحتاجها
عدي لا متقلقيش انا معايا غيرها. تجيبي اللي يعجبك وملكيش دعوة بالفلوس مفهوم
هنا حاضر وابتسمت. وبصتله بإعجاب واتنهدت وكلمت نفسها. اااااه بحبك ياابن اللذين اوي
عدي بصلها بمكر وابتسم. وانا كمان بحبك يا روحي
هنا تنحت. وانت عرفت منين اني
عدي مسك ايديها وبص في عنيها. عنيكي قالت بحبك
هنا ابتسمت واتكسفت هو انا علي طول عنيا ڤضحاني