روايه كامله للنهايه
ابتسمت بأنتصار وهي تري توقيعه علي الاوراق ووضعتهم في حقيبتها ثم نظرت الي البخاخة الموجودة في يدها ونظرت واليه ... ثم قذفت البخاخة بكل عزمها وهى تقول_ ....
خسارة فيك .. اتعذب شوية زي ماكنت بتعمل فيا .. دوق شوية من اللي دوقتهولي
نظرت اله پشماتة وانصرفت الي الخارج
وقفت امام الفيلا اخرجت هاتفها من حقيبتها ... الو .... تعالالي في المكان **** هكون هناك بعد ساعة ... سلام
وضعت هاتفها في حقيبتها مرة اخري
اشارت الي سيارة اجرة فوقفت لها على الفور وضعت حقيبتها وصعدت السيارة متجهو الي ذاك المكان
هبت واقفة بفزع عندما استمعت الي ذلك الخبر في الهاتف والدموع تنهمر علي وجهها بقوة .. سقط الهاتف من يدها وجلست علي الاريكة بثقل .. فقدميها لا يساعدوها علي الوقوف
اقتربت منها غادة واضعة يدها علي كتفها ... مالك ياآية ايه اللي سمعتيه في التليفون صدمك كده
آية بدموع .... ده ابويا ياغادة وهو دلوقتي محتاجلى .. وبالنسبة ليوسف يعرف اللي يعرفه .. انا مستعدة لاي غدر منه لكن مستحيل اسيب ابويا في وقت هو محتاجلي فية
انصرفت آية من امامها وغادة خلفها ...
استني انا جاية معاكي مش هسيبك تروحي لوحدك .. احنا بدأنا الطريق ده مع بعض وهنكمله مع بعض للنهاية
ابتسمت آية لها وانصرفا الاثنتان الي المستشفي الذي قال عليها المتصل
وقفت السيارة امام المستشفي هبطا الاثنان متجهين الي الداخل
آية ويكاد قلبها ان ينخلع ... لو سمحتي في هنا مريض لسة جاي من شوية بازمة قلبية ممكن تعرفيني هو فين ؟
